Frantziako Alpe mendien ondoan aurkitzen da Lyon, Rhône-Alpeak departamenduko hiriburua. K.a. 43 urtean sortu zuten erromatarrek hiria. Lugdunum izena eman zioten hasieran eta Erdi Aroan, Erromako Inperioaren garaian, Galiako hiriburua izan zen. Gaur egun, biztanle gehien dituen hiria da Parisen ondoren; bi milioi pertsona inguru bizi dira Lyonen. 1998an Gizaldiaren Ondare izendatu zuen UNESCO-k Frantziako hiri eder hau.

Veneziatik 60 kilometro eskasera, Verona eta Padua artean aurkituko dugu Vicenza. Veneto eskualdean kokatutako izen bereko probintziako hiriburua, Palladioren Hiria bezala ezagutzen da; izan ere, Andrea Palladio arkitekto ospetsuak diseinatutako eraikin ugari ditu hiriak, tartean arkitektura garaikidearen altxortzat hartzen diren batzuk. Hartara, Vicenza maila handiko hiri arkitektonikoa da; hori dela eta, hiria Gizadiaren Ondare izendatu zuen Unescok.

Izen bereko probintziako hiriburua, Padua Italia iparraldeko hiri bat da. Veneziatik 40 kilometrora eta Vicenzatik 29ra kokatuta, ekonomia eta garraio arloan herrialdearen iparraldean dagoen hiri garrantzitsuenetako bat da. Bacchiglione eta Brenta ibaiek bere hiri-egitura baldintzatzen dute; izan ere, lehenengoak Padua zeharkatu egiten du, eta bigarrenak, inguratu. 90 kilometro koadroko azaleran 200.000 biztanletik gora hartzen dituen hiri historiko honek erakargarritasun arkitektoniko ugari eskaintzen dizkio bisitariari, bere iragan kultural eta artistiko garrantzitsuaren ondorioz.

Generalifea, gure ibilbideko azken geldiunea eta Errege-erregin musulmanek atseden hartzeko erabiltzen zuten jauregia. Eraikuntzak, patioak eta lorategiak hartzen dituen landetxe hau Granadako erakargarritasun turistiko handienetako bat eta arkitektua zibil musulmanaren adibiderik azpimarragarrienetako bat da. Alhambrako inguruetan dago, iparraldean, eta UNESCOk Gizadiaren Ondare izendatu zuen.

Aste honetan Lehoien Jauregia bisitatuko dugu, nazariar artea gailurrera eraman zuen Alhambrako eraikina, alegia. Alhambrak eta nazariar sultangoak bizitako distira handieneko garaiaren ikur arkitektonikoa da Lehoien Jauregia. Bertan, elementu guztiek (ura, argia, apainketa...) armonia handiz egiten dute bat, nazariar artea edertasunaren eta espresioaren gorengo mailan ezarriz.

Gotorlekua eta Karlos V.aren Jauregia atzean utzita, Alhambrako beste eremu batean murgilduko gara: Nazariar Jauregietan. Gortearen funtzio administratiboak eta Granadako Errege-erreginen egoitza hartzen zituzten jauregiek osatzen dute Nazariar Jauregiak. Alhambran sei jauregi eta bi dorre-jauregi egon ziren, baina gaur egun, Mexuar aretoak eta Comares eta Lehoien jauregi-multzoa.

Alhambra gotorleku erasoezin bilakatzen zuen harresiak lau ate zituen kanpora: bi iparraldean (Armen eta Aldirien ateak) eta beste bi hegoaldean (Justiziaren eta Zazpi Zoruen ateak). Justiziaren atea da, zalantzarik gabe, guztien artean monumentalena. 1348an altxatu zuten eta ferra-arku erraldoi batez osatutako fatxada ikusgarria du. Ate horren atzealdean Uharken plaza handia zabaltzen da. Bertan, Ardoaren ate ezaguna aurkituko dugu. Alhambrako eraikin zaharrenetakoa da, Mohamed II.aren sultangoan zehar altxatu zuten, nahiz eta bere bi fatxaden dekorazioa beranduagokoa izan.

Alhambra Granadako ekialdean, La Sabika mendixkan, Darro eta Genil ibaien arroen artean altxatzen da dotore eta gailen, bere harresi gorrixkaren babesean. Seiehun urtetan baino gehiagotan zehar eraikia, hiria gotorleku militarra, jauregi-hiria, Errege-erregina Katolikoen egoitza eta Granadako Erresumako kapitaintza jenerala izan da, aro horietako bakoitzak hirian barna arrasto baliotsuak eta aberatsak utzi dituela. UNESCOk Gizadiaren Kultura Ondare izendatutako jauregi-hiri andalustar hau bisitatzea nahitaezkoa da turismoa, artea, historia... maite dutenentzat. Hala, arte andalustarraren eta arte musulmanaren altxor preziatuenetakotzat jotzen den monumentu multzo honek ezkutatzen dituen txoko eta eraikin liluragarrienak bisitatuko ditugu, Alhambran nonahi ageri den uraren soinuaz lagunduta.

Sjælland uhartean aurkitzen da Copenhague, Danimarkako hiriburua eta hiri garrantzitsuena; 2.673 km2 ditu eta 1.800.000 biztanletik gora. Copenhagueren jatorria XI. mende inguruan dago, havn (portua) zeritzon arrantzale herrixka tiki batean. Denboraren poderioz, merkataritza esparruan, portu honen garrantzia areagotzen hasi zen eta Købmandshavn (dendarien badia) izena hartu zuen; hemendik dator egungo hiriaren izena.

Normandia, Frantziako iparraldean kokaturiko herrialdea da. Bost departamendu biltzen ditu: Calvados, Seine Maritime, Manche, Orne eta Eure; guztiak kostako herriak, azken biak izan ezik. Basoz gainezka dauden mendixkek, haranek eta landek osatzen dute eskualdea, maldaz inguratutako hondartza luzez eta Sena ibaiaren ubide dotoreaz inguratuta. Herrialde honen ondasun monumental ikusgarriak gainera argi uzten du inguru honek duen ospea ez duela soilik II. Mundu Gerran jasan zuen lehorreratzearen ondorioz lortu.