Askok fenomeno naturalekin lotzen dute, lurrikarekin, tsunamiekin edo urakanekin, hain zuzen ere. Baina Sumatra Irlak baditu ikusteko toki atseginak, turismo exotikoaren herrialdea baita, eta aipatzekoa da abentura gustuko duenak soilik ezagutzen duela zonalde hau. Artxipelagoko hirugarren irla handiena, eta munduko bosgarren handiena, Indonesiako lurralde garrantzitsuena da, izan ere, estrategikoki, ekonomikoki eta politikoki nazioaren bizkarrezurra osatzen du.

Hiri aberats eta dotorea da, 40 bat museo, luxuzko erakusleihoak, saltoki txiki bezain originalak eta garraio publiko eredugarria dituena. Lasaia da oso. Berritzailea erabat. Jatetxe modernoak edozein bazterretan daude, eta gaurik bizienak eta eroenak unibertsitateko ikaslez betetzen dira.

Maroko hegoaldean kokatua, Ouarzazate edo Uarzazate Desertuaren Atea bezala ere ezaguna da, izan ere hegoaldean desertuarekin dago lotuta. Atlas Mendietatik eta Draa ibaiaren haranetik hurbil dagoelako ere ezaguna da. Baina, Ouarzazate zerbaitegatik bada ezaguna, zinemarekin duen loturagatik da; izan ere, hainbat superprodukzio filmatu dituzte bertan, hala nola Lawrence de Arabia edo Gladiator. Gainera, bertan egindako filmetako askoren dekoratuak oraindik ere ikusgai daude Ouarzazaten.

Azken hamarkadetan izugarrizko hazkundea izan dute Asiako hego-ekialdeko herrialdeek. Horien artean Singapur aipatu behar da. Lurralde honen eskaintzen artean dago Sentosa Irla, zonalde tropikala, klima berokoa eta hondartza ederrez josia dagoen toki paregabea. Itsas ertzean oporraldi ahaztezina pasatzeko toki ederra da, eta horregatik askok Asiako Karibea dela diote.

Bisitatzea merezi duten hainbat hiri topa ditzakegu Italia hegoaldean. Botaren takoian kokatua, eta itsaso Adriatikoz inguratua, Bari dago, turismo eta jende multzoetatik urrun dagoen oporretarako hiri paregabea. Apulia eskualdearen hiriburua da, eta itsasaldeko ohiko hiria. Jendea, batez ere, bertako arkitektura ikustera gerturatu ohi da bertara, eraikin historiko asko baititu hiriak.

Cadizeko probintzian kokatuta, Atlantikoko kostalde andaluziarrean bertan, Zahara de los Atunes Barbate udalerriko alkate-auzo bat da. Gibraltar itsasartean dago, Tarifa eta Barbate artean, Cadiz hiriburutik 70 kilometrora. Itsasoan eta arrantzan errotutako herrixka txiki hau Cadizeko kostaldeko tokirik ezagunetako bat bihurtu da azken hamarkadetan, bere hondartza ikusgarriak eta paisaia naturalak direla eta.

Emakumeen Uhartea Karibe Itsasoan kokatuta dagoen toki pribilegiatua da. Edozein bidaiari leku honen edertasunaren gatibu bihurtzen da zalantzarik gabe. Hemen ez dago aspertzeko astirik; oihan tropikalaren adar arteak, aztarna arkeologikoak, arrezife naturalak edo ur-kirolak dira Karibeko irla honek eskaintzen dituen xarmetako batzuk.

Coimbra hiritik 55 km iparraldera, Aveirorekin, Portugalgo Venezia izenez ezagutzen den hiri ederrarekin topo egingo dugu. Deitura hau herri zaharra zeharkatzen duten kanal xarmangarrietatik datorkio. Hauek Ozeano Atlantikoan itsasoratzen dira. Esan beharra dago itsasadarra arrainetan eta ur-hegaztietan oparoa dela; gainera, uretako kirol ugari egitea ahalbidetzen du.

Kanariar Uharteetako bigarren irlarik txikiena da Gomera. 375 kilometro koadro ditu eta Ozeano Atlantikoan kokatzen da, Afrikako ipar kostaldearen parean. Kanariar beste uharteak bezala, Gomerak ere, jatorri bolkanikoa du baina bertako sumendiek ez dute inoiz erupziorik izan.

Yucatan da, hitz batean esanda, maien zibilizazioa maite dutenen topalekua. Tinumgo herrian, Yucatango estatuan, balio historiko handia duen aztarnategi arkitektonikoa aurkitzen da. Chichen Itza hiriaz ari gara. Nahiz eta gaur egun ondareak baino ez diren geratzen, bere garaian Erdialdeko Amerikako leku gorenetarikoa izan zen. Bere izena hitz maietatik dator: Chi (ahoa), Chen (putzua), Itz (magoa) eta A (ura). Beraz, bere izena Uretako magoen putzuaren ahoa litzateke.