Bizkaiko kostaldean dagoen udalerria da Gorliz. Bilbotik 30 kilometrora dago, Uribe-Kostaren barruan. Iparraldean Bizkaiko Golkoa du, ekialdean Lemoizko udalerria eta hegoaldean, Plentzia. Uresaranse, Santa María, Gandía, Fano eta Elejaldeko auzoetan banatzen da herriaren 10,20 kilometro karratuko guztizko hedadura. Guztira 5.176 biztanle ditu Gorlizek.
Nafarroa Foru Erkidegoko udalerria da Berriobeiti, Iruñerriko eskualdean, Iruñeako ipar-mendebaldetik 2 kilometrora. 30 kilometro koadroko baino gehiagoko azalera du eta 900 metroko altuera duten zenbait mendiz inguratuta dago, hala nola, Ezkaba (892 metro) eta Eltxumendi (852 metro). Txulapain, Ezkabarte, Iruñea, Oltza eta Itza ditu mugakide Berriobeitik.
Aste honetan Noain ezagutuko dugu, Nafarroa Foru Erkidegoaren erdialdean, Iruñerriko eskualdean, dagoen udalerria. Iruñeko hegoaldetik 5 kilometrora kokatuta, 450 metrora altxatzen da eta 5.000 biztanle inguru hartzen ditu.
Nafarroa hegoaldean, Erribera eskualdean, kokatzen da Corella, Iruñetik ia 100 kilometrora. Hiri honek 7.000 biztanle baino gehiago hartzen ditu eta 81 kilometroko azaleran zabaltzen da. Fitero, Cintruenigo, Tutera, Castejon eta Alfaro (Errioxa) ditu mugakide Corellak.
Bizkaiko erdialdeko udalerri bat da Fruiz, Bilbotik 22 kilometrora, Uribe eskualdean, kokatutakoa. Butroe ibaiak ekialdetik mendebaldera zeharkatzen duen udalerri honek 5 kilometro koadroko azalera du eta 400 biztanle inguru hartzen ditu.
Aste honetan Areatza ezagutuko dugu, Arratia-Nerbioi eskualdean, Bizkaian, kokatzen den udalerria. Arratia ibarran, Bilbotik 29 kilometrora, dago Areatza eta 1.000 biztanle inguru bizi dira bertan. 9 kilometro koadroko azalerarekin, Areatzak honako udalerriak ditu mugakide: Arteaga eta Zeanuri iparraldean, Orozko eta Zeanuri hegoaldean, Zeanuri ekialdean eta Orozko eta Arteaga mendebaldean.
Arabako Errioxaren bihotzean dago Bilar herrixka. Plaza nagusian dagoen Jasokundeko Andre Mariaren elizaz gain, enparantzan bertan dauden jauregi dotoreak eta handik gertu dagoen XVIII. mendeko "Indianoaren" etxea dira herriguneko eraikinik ederrenak. Baina Bilarren ondare nagusia herrigunetik kanpo dauden historiaurreko arrastoek osatzen dute. Sorginen Txabola trikuharria, adibidez, ikusgarria da zinez.
Aste honetan Trapagaran ezagutuko dugu, Bilbo Handia eskualdean (Bizkaia), Bilbotik 12 kilometrora, kokatuta dagoen udalerria. Bere 13 kilometro koadroko azaleran, Trapagaranek 12.000 biztanle baino gehiago hartzen ditu eta honako udalerriak ditu mugakide: Portugalete iparraldean, Galdames hegoaldean, Sestao eta Barakaldo ekialdean eta Ortuella hegoaldean.
Aguraingo Koadrilaren barruan, Arabako Lautadako ipar-ekialdean, dagoen udalerria da Zalduondo. 12,14 km²ko hedadura eta 150 bizilagun eskasekin probintziako herririk txikiena dugu hauxe. Hala ere, Arabako Lautada osoan udalerri bakarrak osatutako udala da Zalduondokoa.