Bilboko BBK Aretoak Henri Matisseren (1869-1954) alderdi barnekoena erakusten duten berrogei grabatu biltzen dituen "Grabatzearen artea" erakusketa izango dA ikusgai irailaren 14tik urriaren 30era bitartean. Kolorea asko erabiltzeagatik zen ezaguna frantziarra, baina areto bilbotarrean ikusgai dagoen bildumako grabatuetan zuria, beltza eta grisa dira protagonistak. Erakusketa astelehenetik larunbatera bitartean egongo da zabalik, 10:00etatik 14:00etara eta 16:30etik 21:00etara; igandeetan itxita egongo da.
Bartolome E. Murillori (1617-1682) eskainitako erakusketa bat hartuko du Bilboko Arte Eder Museoko BBK aretoak 2010eko urtarrilaren 17ra arte. Artearen eta Letren Urrezko Mendeko artista espainiarrik esanguratsuenetakoa izan zen Murillo. Erakusketa honen bidez, margolari honen ospea areagotu nahi da, horrenbesteko izen ona eman dioten margolan erlijiosoak ez diren beste hainbat erakutsiz. Horrela, "Murillo gaztea" izeneko bilduma honek Sevillako artistaren lehen urteetako obrak ezagutarazten ditu.
Lugaritz Kultur Etxeak ikusgai duen erakusketa honetan, gizakiaren barne edertasunaren inguruko hausnarketa egiten du Koldo Etxebarria artistak. "Izatearen isiltasuna" mostraren obretan, arkitektura, espazio isilak, argia, kolorea eta kontenplazio jarreran ageri den gizakia dira elementu nagusiak.
Erakusketa Chillida-Leku museoan izango da ikusgai maiatzera arte. Eskultoreak bere ibilbide artistikoan erabilitako materialen inguruan aurten antolatuko dituzten hiru erakusketetako lehena da honakoa.
Gasteizko Arte Garaikideko Euskal Zentro-Museoak "Power Food" janariaren, energiaren eta boterearen arteko lotura modu poetikoan aztertzen duen erakusketa eskaintzen du. Elikaduraren, politikaren, medikuntzaren, fikzioaren, zientziaren eta herri kulturaren arteko loturen gogoeta hori azaroaren 2ra arte izango da ikusgai Iparra aretoan.
Bilboko Berreginen Museoak urteak bete ditu. Laurogei urte pasa dira ateak lehen aldiz ireki zituenetik eta erakusketa berezi bat aukeratu du urtemuga ospatzeko. 'Berre-click artea' du izena eta bertan, era askotako artelan ezagunak irudikatzen dira ehunka kliken bidez ¿Playmobil jostailu-etxeak ezagun egin zituen irudiak-. Da Vinciren La Última Cena koadroa edo Beatles musika taldearen disko baten azaleko argazkia dira ikusgai dauden lanetako batzuk. Bilboko museoak urtero antolatzen dituen Gabonetako Tailerretako ekintzetako bat da erakusketa hau eta Gabon jaiak bukatu ostera arte egongo da zabalik
Datorren irailaren 19ra arte, Oteiza Museoak "Forma, zeinua eta errealitatea" izeneko erakusketa ikusteko beta eskaintzen du, 1900 eta 1935 urte bitarteko espainiar eskulturari errepaso txiki bat egiten dion proiektua, hain zuzen. Sorkuntza klasikoenetatik hasi eta lan kubistetatik eta surrealistetatik igarota, Oteizaren lanetaraino bidaia egingo du bertara hurbiltzen den orok. Guztira 51 obra daude ikusgai, eta horietatik hiru ezezagunak, besteak beste sekula erakutsi gabeko Oteizaren Jesus Jordan lana.
Gasteizko Artium Museoak, "Ni eta bestea. Erretratua Indiako argazkigintza garaikidean" izeneko erakusketan, Asiako herrialde honen errealitate ezberdinei so egiten die bertako 16 argazkilari esanguratsuenen lanaren bitartez; erretratua da ibilbide osoko protagonista nagusia. Bartzelonako Palau de la Virreinarekin batera antolatu den erakusketa hau museoko Iparra Aretoan egongo da ikusgai 2010eko otsailaren 10era arte.
Picasso eta Dubuffet artean izeneko erakusketak pintura eta eskultura modernoaren ibilbidea erakusten du Jean Planqueren bildumako obren bitartez.
Erakusketak Afrikar Arte Garaikidearen Bildumaren lanik esanguratsuenak biltzen ditu. Saharaz hegoaldeko hainbat artisten lanak daude ikusgai. Diziplina desberdinetako lanak dira: pintura, eskultura, argazkia, bideoa,... %100 Afrika datorren urteko otsailera arte egongo da Guggenheimen.
Irailaren 17 arte, Max Beckmann artistaren akuarelak eta pastelak Guggenheim Bilbao Museoan ikusgai izango dira. XX. mende hasierako artista esanguratsua izan zen Beckmann, eta bere lana erreferentzia gisa hartzen dute artearen munduan, baina paperaren gainean egindako obrak ez dira duela gutxi arte ezagutu.
Sarritan egin zuten lan elkarrekin Juan Antxietak eta Juan Landak XVI. mendean. Lehenengoak hainbat elizetako irudiak egin zituen eta bigarrenak horiek margotzen zituen. Garai hartan Erroman modan zeuden arte-mugimenduen eragina nabaria da biengan. Errenazimentu garaiko artista garrantzitsuenak izan ziren.
Argazkien ikonografia azken urteotako artean murgiltzeko modu ezberdinak azaltzen ditu azaroaren 6an Guggenheim Bilbao Museoak ireki zuen erakusketak. Hirurogeiren bat artistaren ehun lan baino gehiago daude ikusgai bilduman, besteak beste, Andy Warholen eta Robert Rauschenbergen artelanak. Juan Ignacio Vidarte Museo bilbotarraren zuzendariak eta Jennifer Blessing eta Nat Trotman komisarioek aurkeztu zuten "Haunted: egungo argazkigintza/bideoa/performancea" erakusketa. Datorren martxoaren 13ra arte egongo da zabalik.
Franck Lloyd Wrighten (1867-1959) obrari eskaini dio Bilboko Guggenheim museoak bere erakusketarik berriena; arkitekturaren munduan joan den mendeko maisu handietako bat dugu egile hau. Horrela ospatu nahi da bere eraikin garrantzitsuena altxatu zueneko 50. urteurrena: New Yorken dagoen Solomon R. Guggenheim Museumaren eraikuntza. Bertan izan da, hain zuzen, orain arte erakusketa hau ikusgai; museoaren historia osoan bisitari gehien lortu dituena da. 2010eko otsailaren 14ra arte izango dugu Bilbon ikusteko aukera.
Arriaga Antzokia Bilboko eraikin esanguratsuenetakoa da. Areatza erdian dago eta XIX. mendearen bukaeran eraiki zuten hiritarren antzerkizaletasunak bultzatuta.
Iruñeko Conde de Rodezno erakusketa aretoak "Iruña Hiria" Arte Plastikoen XII. Bienalerako aukeratutako 39 obra ditu ikusgai. Mostrak bideoak, pinturak, argazkiak, instalazioak, eskulturak eta litografiak biltzen ditu bere baitan, urriaren 15ean ireki zuten eta abenduaren 8ra arte mantenduko dute zabalik. Bertan, bertoko, Nazioko eta Nazioarteko artista handien lanak daude ikusgai. Gainera, horietako batzuk Udaletxeak erosi egin ditu Arte garaikideko bere bilduma osatzeko.
Begoñako Amatxuren irudiari gorazarre egiten zaion eliza Bilbo inguratzen duten mendixketako batean dago. XVI. mendean eraiki zuten aurretik ermita bat zegoen lekuan bertan. Barnean Amabirjinaren XII. mendeko irudia gordetzen dute.
Garrantzia handia izan du Armentia herrixkak historian zehar, batez ere Erromatarren Garaian eta Erdi Aroan. Izan ere, bertatik pasatzen dira Europako herrien arteko komunikazioan nagusi izan diren bi bide: Astorga eta Bordele lotzen dituen galtzada erromatarra eta Donejakue bidea. Hori dela eta, herrixka hau eta bertako eliza euskal lurretako zaharrenetakoak dira.
Museoa, ibai-ertzean dagoen toki liluragarri baten kokatzen da, hiribilduaren gunetik kilometro bat eta erdira eta aisialdirako tarte ahaztezina igarotzeko beharrezko den guztia du. La Encartada gunera Museo bat bisitatzeko asmo bakarra baino ez dakarren edonor atseginaren atseginez txundituta geldituko da: XIX. gizaldiko ola baten jatorrizko egoeraz jabetzeko aukera izanez.
Gernikako Batzar-Etxea leku esanguratsua, sinbologia handiko eraikina, da oso euskal herritarrentzat. Gaur egun, Bizkaiko Batzar Nagusiek han egiten dituzte osoko bilkurak eta lehendakariak zein probintziako ahaldun nagusiak kanpoaldeko haritzaren ondoan egiten dute karguaren zina, garai batean Bizkaiko jaunak Foruena egiten zuen legez.
Santa Maria katedrala harro eta tente dago Gasteizko Alde Zaharraren erdian, hiriko lehen eraikuntzak jaso ziren tontorraren gainean. XIII. mendean eraikitzen hasia, hasiera batean Gasteiz babesten zuen harresiaren parte bat ere izan ziren bere horma zurrunak.
7.000 metro karratutan bilduko dituzte egun Irargin dauden fondoak, Administrazio Orokorrak sortzen dituenak, emari pribatuak nahiz Eusko Jaurlaritzarenak.
Guggenheim Bilbao Museoak 2009ko martxoaren 17tik irailaren 6ra bitartean, "Cai Guo-Qiang: Sinetsi nahi dut" aurkeztuko du. BBVAk babestutako erakusketa honek nazioartean ospe handikoa den artista honen multimedia artearen konplexutasun kontzeptuala izanen du aztergai.
Zazpi baserri-tipologiaren berreraikuntzak 3D formatuan, dolare tradizionalaren inguruko ikusentzunezkoa edo Igartuko Kattalinek baserriak nola sortu ziren azaltzen duen muntaia bat daude, besteak beste, ikusgai.
New Yorkeko Guggenheim Museoa ireki zenetik 50 urte bete direla ospatzeko, datorren ekainaren 26an "Pribatutik publikora: Guggenheimen bildumak" izeneko erakusketa bat abiatuko du Bilboko Guggenheim Museoak. Erakusketa honek Solomon R. Guggenheim Foundationeko Bilduma iraunkorraren jatorria aztertzen du.
Guggenheim New York Museoak mende erdia aurten betetzen duela eta, "Pribatutik publikora: Guggenheimen bildumak" erakusketaren bidez ospatzen ari da Bilboko Guggenheim Museoa urteurren hau. 2010eko urtarrilaren 10a arte zabalik egongo den erakusketa honetan arte modernoaren oinarrien eta honek XXI. mendera arte izandako bilakaeraren irakurketa interesgarri bat egiten da.
Londreseko Tate Galleryk osatutako erakusketan 80 pieza bildu dituzte; eskulturaz gain, marrazki, idazki eta irrati-lanak ere egongo dira urriaren 5era arte ikusgai Bilboko museoko bigarren solairuan.
Bilboko Arte Eder Museoak euskal artistak eta bildumagile pribatuak "omenduko ditu" 2008an. Euren lanei eta dohaintzari esker pinakotekak euskal artisten inguruan egindako bildumarik garrantzitsuenetakoa du.
Bilboko Arte Eder Museoak guztira sei erakusketa hartuko ditu datorren urtean. Horietatik, emakumearen paperak Erdi Aroan jasandako aldaketa, kolonaureko urregintza eta Antonio Lopez margolariaren obra aztertzen dituzten hiru erakusketak izango dira esanguratsuenak.
"Picasso eta liburuak" erakusketak liburu ilustratuz eta grabatuz osatutako bilduma anitza biltzen du, bisitariari Malagako margolari eta eskultorearen lan grafikoa gerturatzeko. Bancaja Fundazioak babestutako erakusketak irailaren 15ean ireki zituen bere ateak eta azaroaren 30a arte bisitatu daiteke.
Prado Museoak bere bilduma ezagutzeko aukera eskaintzen du Interneten. Bere webgunean, hamabi hizkuntzatan, galeria desberdinetan aritu daiteke erabiltzailea eta, horrela, pinakoteka honek gordetzen dituen maisulanak gehiago ezagutu. Hilabete honetan, gainera, Prado Museoan bertan gordetzen diren lanak Internet bidez kalitate handiko irudiekin ikusteko aukera ematen duen lehen museoa bilakatu da. Aplikazio berri honekin, erabiltzaileak giza begiak bereizten ez dituen xehetasunak ikusteko aukera izango du Meninak edo Hiru Graziak bezalako lanetan, besteak beste. Horretarako, "Pradoko maisulanak Google Earthen" proiektua elkarlanean egin dute Prado Museoak eta Googlek. 14 lan biltzen ditu ekimenak eta "Eraikinak 3D" geruza martxan jarri eta Prado Museoaren gainean klik eginez gero, erabiltzaileak aztertu nahi duen obra ikusi ahalko du.
Hamargarren Urteurrena bete duenean, Chacun à son goût (bakoitzaren nahiera) erakusketa izango da 2008ko otsailaren 3 arte Guggenheim Bilbao Museoan, hamabi euskal artista garaikidek erakusketa honetarako propio sortu dituzten obrekin.
Bilboko Guggenheim museoak erakusketa bat gutxiago izango du 2011n. Izan ere, aurrekontua murriztu egin du egungo krisi ekonomikoa dela medio. Datorren urteko egitaraua behin-behineko hiru erakusketek eta behin-betiko bildumaren bi aurkezpenek osatuko dute. Horrela, museoak garrantzia handiagoa emango die Guggenheim bildumen funtsei.
Instalazioak, kreazio eta ekoizpen artistiko bezala, tarte berezia beteko du Guggenheim Museoan gaurtik aurrera: "Instalazioak: Guggenheimeko Bildumetako aukeraketa" erakusketa berriarekin.
Kanarietako Gobernuak baimena eman du Tindaya mendiaren (Fuerteventura) bihotza husteko. Bertan, gizaki guztientzako espazio zabala sortzea amestu zuen euskal artistak.
Prentsa-argazkilaritzaren hiriburu bilakatuko da berriro ere Gasteiz. Izan ere, hilabete eta erdiz irudi ikusgarri eta bitxiek hiriko txoko guztiak hartuko dituzte, argazkilaritza zaleen gozamenerako.
Pintore eta grabatzaile britainiarraren lanik esanguratsuenak daude Bilboko museoan ikusgai. Erakusketa urriaren 1era arte egongo da zabalik. John Martin Europako erromantizismoaren ordezkari nagusiena da, zeukan irudimen apokaliptikoagatik egin zen ezagun.
Londresko Victoria and Albert Museumek antolatuta eta Guggenheim Bilbao Museoarekin batera ekoiztuta, "Surrealismoaren gauzak" abangoardiako mugimendu honek diseinuaren munduan izan dituen eraginak erakusten dituen lehen erakusketa da. Guztira 250 lan daude ikusgai, hainbat alorretakoak: pintura, antzerkia, barne diseinua, altzariak, moda, zinea, publizitatea eta arkitektura.
Azpeitian jaio zen Inazio Ibero 1684an, eta gure lurretako arkitektorik onenetariko bat izan zen XVIII. mendean. Eraikuntza ugaritan lan egin zuen eta horietako batzuen diseinua ere berak egin zuen. Bere lanik ezagunenak Bilboko San Nikolas eliza eta Loiolako Basilika dira.
Euskal Herriak eman duen margolaririk esanguratsuenetakoa izan zen. Eibarren jaio (1870) eta Madrilen hil zen (1945). Parisen eta Erroman ikasi zituen pintura teknikak, baina Espainiako Eskolako Errealismoaren ordezkari nagusienetakotzat jotzen dute. Mundu osoan egin zituen erakusketak eta saldu zituen koadroak.
Henri Matissek sustatu zuen Fauve estiloko margolari garrantzitsuenetako izan zen. Artista frantziarra lagun handia zuen eta sarritan elkarrekin lanean jardun zuten.
Joan den urriaren 4tik hasita eta 2011ko urtarrilaren 16ra arte, Bilboko Arte Eder Museoak "Lazkano. Arkitekturatik naturara" erakusketa du ikusgai BBK aretoan. Jesus Mari Lazkano artista gipuzkoarraren bilduma hau bere ibilbidearen errepasoa da, eta bertan 82 koadro eta marrazki daude ikusgai. Gainera, Lazkanok bereziki erakusketa honetarako sortutako obra berriez gozatzeko aukera ere badago.
Bilboko Arte Eder Museoak Joaquim Mir XX. mende hasierako Kataluniako margolari ospetsuenetakoaren erakusketa antologiko bat eskaintzen du datorren uztailaren 26ra arte. Proposamenak artistaren obrarik esanguratsuenetako batzuk biltzen ditu. Horrez gain, lan ezezagun batzuk ere ezagutzera ematen ditu. Bildumak Mirren ibilbidean argiak eta koloreak izan duten garrantzia azpimarratzen du. Guztira, 80 lan izango dira ikusgai datozen hilabeteetan bilbotar museoan.
Aitor Lajarin artista arabarrak makro-hiri garaikideen fenomenoa eta hauen erronka urbanistiko, sozial, ekonomiko eta kulturalak aztertzen ditu "From Here to Everywhere. Profiling Postcity" erakusketan. Lajarinek hirietako bizitza eta espazioa aztertzen ditu azken hamarkadetan mundu mailan gertatu diren urbanizazio eta berregituratze prozesuekin lotutako alderdi garrantzitsuak abiapuntu harturik, Erakusketa Artiumen, Arte Garaikideko Euskal Zentro-Museoan dago ikusgai, 2011ko urtarrilaren 30era arte.
"Urrezko Aroa: Städel Museumen Holandako eta Flandeseko pintura" izeneko erakusketan 130 pintura inguru daude ikusgai, gehienak XVII. mendean Holandako eta Flandeseko maisuek sortutakoak. Natura hilak eta vanitasak, paisaiak, erretratuak eta erlijio- eta historia-eszenak gaika antolatu dira Museoaren hirugarren solairuan zehar. Atzo irekitako bilduma 2011ko urtarrilaren 23ra arte egongo da zabalik.
Asteburuan Gernikako Itxasmendi upategiko mahastietan txakolinak eta eskulturak elkar hartuko dute, UBE eskultorearen lanak ikusteko beta izango baita bertan. "Ktart" ekimenaren bitartez, eskulturaren sorkuntzaren eta txakolin produkzioaren arteko fusioa egin nahi da. Artea, zaporea eta usaimena elkarrekin izango dira eta txakolin upategia eskulturaren erakusketa areto bihurtuko da.
Arte garaikidearen Madrilgo azokak 35 herrialdetako 278 galeria hartuko ditu aurten, eta euskarri mota guztien gainean egindako lanak erakutsiko ditu. Euskadiko bost galeriak hartuko dute parte azokan, eta zuzendaritza ere euskaldun baten esku geldituko da laster, Lourdes Fernandez donostiarrak hartuko baitu ardura hori aurtengo azoka bukatu bezain pronto.
Art in the USA: 300 urteko berrikuntza bilduma apirilaren 27a arte izango da ikusgai. 200 bat lanek osatzen dute erakusketa. Mendebaldeko Europan gai horri buruz inoiz egindako handiena da, hain zuzen ere.
Grecotik Sorollara, Padro Museoko 125 erretraturik onenak Bilbon erakutsiko dituzte.
New Yorken zabaldu berri duten erakusketan Espainiako Gerra Zibilean borroka egin zuten soldaduen argazkiak daude ikusgai. Robert Capak galdu eta Mexikon aurkitu duten maleta batean zeuden. Irudi horiek "Mexikoko maleta" izeneko bildumaren zati txiki bat dira, 4.500 negatiboz osatutako hiru kaxa baitira. Mexikoko hiriburuan aurkitu zituzten orain dela bi urte 1939. urteaz geroztik desagertuta egon eta gero.
Bere margolanen bidez, euskal kulturaren alde egindako lanagatik saritu du Eusko Ikaskuntzak. Sari hori jasotzen duen bigarren emakumea da.
Ignacio Zuloagaren eta Francisco Durrioren adiskide mina izan zen Uranga. Haiekin batera ikasi zuen Parisen, eta, Zuloagak bezala, inpresionismoaren eragina jaso bazuen ere, Espainiako pintura tradizionalaren eragin handia zeukan estiloa landu zuen. Nazioartean ez zen haiek bezain ezaguna izan, baina lana ugari egin zuen Euskal Herrian.
Donostiako Kursaal jauregiko Kubo aretoan lau erakusketa antolatu dituzte 2007. urterako. Bat argazkiena, Isabel Muñozen lanekin, eta besteak Pablo Gargallo, Josune Amunarriz eta Irlandako arte garaikideari eskainitakoak. Gainera, Boulevardeko hiru aretoek, besteak beste, bi erakusketa antologiko jarriko dituzte.
Mendozatarren dorretxea XIII. mendean eraiki zuten eta zutik dirau oraindik ere, altxatzeko erabili zituzten materialei esker eta 1963an, Arabako Foru Aldundiaren eskuetara pasatu zenean, zaharberritu zutelako. Heraldika Museoa jarri zuen bertan foru-erakundeak.
Nafarroan jaioa baina urte askotan zehar Eibarko bizilaguna, Fernando Beorlegi batez ere estilo errealista erabili zuen eta bere obra kritika soziala egiteko erabili zuen margolari eta marrazkilaria izan zen. 1974an, Daniel Txopitea, Iñaki Larrañaga eta Marino Plazarekin batera, Goruntz taldea sortu zuen. Zurgai aldizkariaren margolari izan zen beranduago. Eta 1972 eta 1976 artean Eibarko Arma Eskolan pintura eta eskultura eskolak eman zituen. Azido taldea antolatu zuen (grabadoa ikasteko) eta 1980an Elgoibarren Arte Eskola bat sortu zuen: "Egur" Arte Eskola. Eskola honetan pintura, eskultura eta grabatua irakatsi zituen.
Donostiako Okendo Kultur Etxeak David Lynch zinemagilaren lan grafikoa egongo da ikusgai datorren urriaren 22ra arte. David Lynch. Action Reaction erakusketan zalantzarik gabe artistaren esparrurik ezezagunena, artista grafikoarena, agerian uzten da. Donostia Kulturak eta GAGMAk antolatu duten erakusketa honetan artistaren hogei bat litografia bildu dira bere filme ezagunenen proiekzio, kartel eta argazkiekin batera.
Gasteizko Montehermoso Kulturguneak Susan Hiller artista estatubatuarraren "What I see" erakusketa du ikusgai, joan den irailaren 17tik urtarrilaren 9ra arte. Belaunaldi berrientzat erreferente bilakatu da Hiller bere lanei esker.
Azpeitia eta Azkoitia artean dago Loiolako Santutegia. XVII. mendean eraiki zuten San Inazioren (1491-1556) omenez hura jaio zen dorretxea inguratuz. Barrokoak Euskal Herrian utzi zuen bitxirik garrantzitsuenetakoa da otoitzerako gune hau.
Ekimena abian da jada. Museoaren Lagunek galeria ezberdinek aukeratutako artista garaikideen obrak izango dituzte eskuragarri, "oso baldintza onuragarrietan".
Artistaren lanari Espainiako Estatuan eskaini zaion lehen erakusketa monografiko handia da. Kapoorrekin lankidetzan egituratuta dago, eta azken 30 urteotan, 1970eko hamarkadatik gaur arte, egin dituen hainbat lan biltzen ditu. Tiroak txokoan (Shooting into the Corner) izenekoa gailentzen da beste ororen gainetik. Kanoi batek argizari gorria jaurtitzen du aretoko horma baten kontra. Heldu den urriaren 12ra arte izango da ikusgai.
Zibilizazio klasikoei errepaso bat emateak gauza asko eskatzen ditu, besteak beste, dokumentatzea, pentsalari handien gainean irakurtzea, kultura horretan murgiltzea edo arkeologia-aztarnategiak ezagutzea. Baina, nola bihur daiteke ikasketa erakargarri publiko guztientzat? Irungo Oiasso Erromatar Museoak horren erantzuna topatu du Erroma bizirik! proiektuarekin, pantaila handiaren laguntzaz erromatarren garaia berrikusten duen proiektuarekin, hain zuzen.
Datorren irailaren 27ra arte, "Tabakalera Soinutan" erakusketak, soinuek gidatutako bidaia zirraragarri baten bidez, Donostiako eraikin mitiko honen txoko bakoitzaren ikuspuntu berri bat ezagutzeko aukera ematen du. Eskulturaz, ikus-entzunezko obrez eta soinudun egiturez osatutako erakusketa honek Tabakalera ikusi, bizi baina, batez ere, entzuteko bide berri bat zabaltzen du. Soinudun arteari eskainitako egitasmoa da hau eta soinuak berak gidatzen du erakusten diren hamabi obretan zehar jarraitu beharreko bidea.
Geometriaren poeta esaten zioten, beste ildo batzuetan trebatu ondoren abstrakzio geometrikoa jorratzen bukatu zuelako. Margolaritza eta eskultura izan zituen lagun.
XIII. mendeko defentsarako antzinako dorre bat dela uste denaren hondamenditik abiatuta, 1985. urtean, gaur egungo Concejuelo-ko Gazteluaren berreraikitze obrak hasi ziren. Gotorleku oso ederra zeinek gaztelua era-tzen duten egoitza ezberdinez inguratutako 25 metroko dorre bat, zubi altxagarria duen zuloa eta harresiari dagozkion hainbat ilara baitauzka.
Naturak izaki bizidunen zerrenda anitza eskeintzen digu. Ornodunak, ornogabeak, landareak, Planetako mineralak eta fosilak. Guzti horren edertasunaz disfrutatzeko aukera dugu.
Uda garaian museoak nahitaezko geldiadi bilakatzen dira publiko guztiarentzat. Eta horren adibide garbia Ekain kobazuloko erreplikak dira, aurten ere bisitariak ez baitira falta izan Ekainberrin. Museoak bi urte bete berri ditu, eta dagoeneko 2010/2011 ikasturte berriarekin indarberrituta dator.
1888an hasi ziren Jauregia eraikitzen Maria Kristina Habsburgo-Lorenakoa erreginaren aginduz, garai hartako eraikin ingelesen estiloari jarraituta.
70eko hamarkadan New Yorkeko metroa bete zuten graffiti, tag eta pintadak, Jean-Michel Basquiat iraultzailearen lanak, Parisko Arte Modernoaren museoan daude ikusgai joan den urriaren 15etik, artista alternatibo honen atzera begirako batean. Andy Warholen ikasle zuzenena bezala hartua, jatorri puertorricoarra zuen margolaria azpikultura newyorktarraren adierazgarri nagusienetakoa izan zen, 1998an, 27 urte zituela, gaindosi baten ondorioz hil zenera arte.
Kexaan, Aiara Haranaren erdian, aialatarren leinuak Erdi Aroan altxatutako eraikuntza multzoa dago. Arabako leku eder hau oso garrantzitsua izan zen Erdi Aroan, Gaztelaren eta Bizkaiko itsasoaren artean garraiatzen ziren merkantziak bertatik igarotzen zirelako. Bada, aialatarren familia boteretsuaren kontrolpean zegoen inguru osoa.
Donostiako kubo-Kutxa Aretoak Paris. 100 urte izeneko erakusketarekin eman dio hasiera bere 10. denboraldiari. Joan den mende hasieran Frantziako hiriburuak bizi izan zuen bilakaera izango da ikusgai aretoan datorren apirilaren 5era arte. Claude Ghezen bilduma pribatuko lanak biltzen dituen Geneveko Petit Palais museotik erakusketa hau osatzeko bereziki ekarritako obrek osatzen dute Paris. 100 urte.
Koruko Andre Mariaren basilika Donostian fededun gehien biltzen dituen eliza da. XVIII. mendean eraiki zuten Pedro Inazio Lizardiren diseinuari jarraituz. Urgull mendiaren magalean dago, Kale Nagusiaren eta Abuztuaren 31ko kaleen artean, Alde Zaharrean, eta, historiak dioenez, eraikin honetan ez zuen eraginik izan 1813ko suteak.
Arantzazuko Andre Mariaren Santutegia leku paregabean dago, Artia mendi-multzoaren (Elgeta mendizerra) eta Aloña mendiaren artean, Aizkorri mendikatearen magalean eta Oñatitik 9 kilometrora. Erlijioaren eta abangoardiaren elkargunea, euskal arte garaikidearen adibide ezin hobea, da Arantzazuko Santutegia.
Estilo erromanikoa da nagusi Estibalizko Santutegian, baina gotikoaren hastapeneko hainbat elementu ere baditu Erdi Aroko euskal arkitekturak utzi duen erakusgarri onenetakoa den honek. Tenpluaren barrualdean, Ama Birjinaren, Arabako zaindariaren, irudi bat dago, XII. mendekoa.
Madrilen egiten den arte garaikidearen azokak 30 herrialdetatik heldutako 272 galerien ordezkaritza hartuko ditu otsailaren 15etik 19ra. Azpimarratzekoa da, bestalde, Bilboko arte publikoa, Arte Ederren museoa, Guggenheima eta Rekalde aretoa hain zuzen ere, ez direla aurten Arcon egongo, azoka hau antolatzeaz arduratzen direnek esleitu dioten tokiarekin pozik ez daudelako.
Datorren urriaren 18an "Le immagini della fantasia" jaialdiaren 28. edizioa jarriko da martxan Sàrmeden (Italiako iparraldea). Ilustrazioari loturiko nazioarteko jaialdia da, eta ilustrazio eta liburu erakusketak, haurrentzako ekintzak, ikuskizunak edo tailerrak nagusituko dira, besteak beste, abenduaren 19ra arte luzatuko den jai erraldoi honetan. Mundu guztiko ipuinen, alegien eta kondairen artetik bidaia egingo dugu, beraz, 35 artista baino gehiagoren ilustrazioekin; horietan aipatzekoak bi euskaldun: Iban Berrenetxea eta Elena Odriozola.
Tabakalerak, etorkizunean Arte Garaikidearen Nazioarteko Zentroa hartuko duen guneak, artista latinoamerikarren talde erakusketa bat izango du ikusgai uztailaren 19tik urriaren 5era bitartean. Daros-Latinamerica (Europan Latinoamerikako arte garaikideaz egin den proiektu inportanteena) entzute handiko bildumatik egindako hautaketa bat baino ez da.
Victoria Eugenia Antzokia, Gipuzkoako hiriburuaren bihotzean kokatuta, eraldatze-prozesu sakonean murgilduta dago gaur egun, eta 2007ko udaberrian berriro irekiko dute, guztiz itxuraldatuta.
Errenazimentuaren sorleku, Florentziak balio handiko altxor artistiko anitz ditu. Artearen historian euren izenak zizelaz edota pintzelaz betirako grabatuta utzi zuten artista askoren maisulanak hartzen ditu Toscanaren bihotzean kokatutako hiri honek. Giotto, Brunelleschi, Botticelli edo Michelangelo dira euren sinadura Florentzian utzi zuten jenioetako batzuk. Ondare artistiko amaigabe horren lekuko izateko, hirian dauden museo ugarietako batzuk bisitatu besterik ez da egin behar. Artearen tenplu horietan gordetako maisulan ospetsuak dira, hain zuzen, Florentziak eta Errenazimentuak artearen historian duten garrantziaren adierazgarririk onenak.
Iragan astean Florentziako museorik garrantzitsuenetako batzuk bisitatu genituen, gure ibilbidearen lehen zatian. Galleria degli Uffizi, Museo Nazionale del Bargello, Galleria dell'Accademia edo Museo Nazionale di San Marco museoetan artearen munduko maisulan handienetako batzuk ikusteko aukera izan genuen; Botticelliren La Primavera eta La Nascita di Venere edo Leonardoren Adorazione dei Magi margolan ezagunak edota Michelangeloren David eta Pietà Bandini eskulturak, besteak beste. Aste honetan, hiriko beste hiru museo ospetsu bisitatuko ditugu gure ibilaldiari amaiera emateko: Palazzo Pitti, Medici-Riccardi Jauregia, Museo dell'Opera del Duomo.
Udan egindako apustuaren ondotik, ikuskizunak asteburuetan eta aldi baterako zazpi esakusketa, Artium museoak sei erakusketa berri jarriko ditu martxan gaurtik aurrera. Horien artean Jaime Davidovichen obraren errepaso txiki bat egongo da ikusgai, ikus-entzunezkoa, eta zehazki telebista artean erabiltzen aitzindaria izan den artista argentinar-iparamerikarrarenak lanak, alegia.
Euskal Herriko arteari eskainitako bi erakusketekin ospatuko du museoak bere hamargarren urteurrena; euskal artearen ikuspegi panoramikoa eta hamabi artistek propio sortutako artelanak erakutsiko dira.
Guggenheim Bilbao Museoak bere hamargarren urteurrenaren programazio artistikoaren barruan erakusketa gailenetako bat aurkeztuko du irailaren 3 arte: Anselm Kiefer. Erakusketa berezia izango da, gure garaiko artista garrantzitsu eta goraipatuenetakoak azkeneko hamar urteotan sortutako obra-sorta bilduko duena.
Inguru paregabean dago XVI. eta XX. mendeen artean Euskadiko unibertsitate bakarra izan zena. Haren barruan, euskal herritar askok eta askok Teologia, Zuzenbidea eta Medikuntza ikasketak egin zituzten. Halaber, eraikina bera garai hartako arkitektura zibilaren erakusgarri onenetakoa da.
Artiumek beldurraren inguruko erakusketa pedagogikoa aurkeztu du. Zentro-museoaren Bildumako lanek osatutako erakusketa honek gutako bakoitzak bizi dituen beldurren jatorriari eta izaerari buruzko gogoeta egiten du. Nondik datoz beldurrak? Ikasten den zerbait da? Kulturarekin lotuta daude? Galdera horien guztien erantzuna Gasteizen topatuko dugu 2011ko ekaina bitarte.
Ziortza-Bolibarko Kolegiata Bizkaiko kolegio-eliza bakarra da. Mendixka baten gainean dago, Oiz mendiaren magalean, eta Donejakue Bidea egiten zutenen atsedenlekua izan da hainbat mendetan zehar.