Museo etnografikoa herriko gazte talde batek etnologo baten laguntzaz zabaldu zuen, 1993. urtean. Zeraingo udalerriaren eboluzioaren erakusgaia izan nahi du museoak.

Objektu ezberdinen bitartez (altzariak, erremintak, artisautza objektuak...) herriaren historia kontatzen da. 200 elementu baino gehiagok erakusten dituzte Zerainek igarotako garai ezberdinak eta herritarrek izan dituzten bizimodu ezberdinak. Nekazaritza eta artzaintza jarduera nagusiak ziren garaitik hasi, meatzaritza indartsu zegoen sasoiarekin jarraitu eta gaur egungo bizimodua azalduz amaitzen da erakusketa.