Hegal

Teilatu baten gailurraren beheneko zatitik kanpo irteten den ertza.

Eraikuntza batean erdiko zati nagusitik bereizten diren alboko zatietako bakoitza.

Harroin

Zutabearen azpiko zatia, fusteari eusten dion oinarria. Basa.

Harburu

Hormatik kanpora eginez arku, erlaitz eta abarri eusten dien harrizko, adreiluzko edo zurezko modiloia edo habea. Zizelkatuta edo molduratuta egoten da sarri. Zuburu.

Hormarte

Eraikuntza batean, bi karga hormaren artean dagoen espazioa.

Hastial

Fatxadako horman teilatuko bi isurialdeek eratzen duten triangelua.

Hipostilo

Areto handia, zeinaren sabaiari bata bestearen ondoan seriean jarrita dauden zutabeek edo pilareek eusten dioten.

Horma konka

Horma batean egindako zuloa bertan santuen irudiak-eta ezartzeko. Nitxo.

Habearte

Habe edo zutabe ilaren arteko hutsunea.

Harlanduxka

Harlandu txikia, alde bat edo gehiago landuta dituena, hormaren lodiera osoa hartzen ez duena.

Harlanduzko lana

Bata bestearen gainean, ilaran, elkarren ondoan ezarrita harlanduz egindako horma edo lana.

Hirulobulatu

Hiru lobulu edo gingilez hornitutako elementu edergarria. Lobuluak, gehienetan, zirkulu baten barruan sartuta egoten dira, eta horien zentroak bat datoz triangelu ekilatero baten erpinekin.