Koldo Mitxelena

1968an, Euskaltzaindiaren sorreraren 50. urteurrena zela eta, Gabriel Arestik oraindik ebatzi gabe zegoen euskara batuaren auziari irtenbidea bilatzeko jardunaldi batzuk egiteko eskea egin zuen. Aintzakotzat hartu zuten proposamena eta batzorde bat izendatu, Koldo Mitxelena buru zela. Honek txosten bat idatzi eta Arantzazuko Biltzarrean aurkeztu zuen. Erdiko euskalkietan oinarritzea proposatu zuen eta lanak mailakatzea azaleko gauzetatik hasiz eta korapilatsuagoetaranzko bidea apurka eginez: ortografia lehenbizi, hiztegia gero eta morfologia eta sintaxia ondoren.