Immanuel Kant. 1724. urtean jaio zen Königsberg-en, Prusian, eta sekula ez zen bere sorterritik joan; bertan, unibertsitatean, logika eta metafisika irakasle jardun zuen. Bizitza osoa eman zuen filosofiaren ikerketan eta lanketan eta bere bizitza osoan amerikar eta frantses iraultzen printzipio eta idealen defendatzaile sutsua izan zen. Idatzi zituen libururik garrantzitsuenak bere bizitza filosofikoaren bigarren aldiari dagozkio: Arrazoimen hutsaren kritika, Arrazoi praktikoaren kritika eta Judizioaren kritika izan ziren. 1804. urtean hil zen.