Linux sistema eragilearen logotipoa

Linux sistema eragile bat da, hasieran denbora-pasa gisa garatu zuena, Helsinkiko Unibertsitatean, Linus Torvalds izeneko ikasle gazte batek. UNIX sistema eragilearen bertsio murriztu batetik abiatuta, lau urteren buruan, 1994an, Linuxen lehen bertsioa atera zuen. Sistema honen iturburu-kodea edonork eskura dezake eta Lizentzia Publiko Orokorraren baldintzetan erabili. Gaur egun enpresa, erakunde eta gizabanako anitzek atera ditu Linuxen muinean oinarrituriko sistema eragileak. Software askea izateaz gain, Linuxek baditu beste abantaila batzuk: erraz egokitzea eta egonkortasuna batez ere. Gaur egun informatika-etxe handi batzuk eta hainbat lekutako herri erakundeak Linux sistema eragilea onartzen ari dira eta batez ere zerbitzaritan erabiltzen. Ordenadore pertsonalean erabiltzeko ere hainbat aplikazio daude gaur egun Linuxentzat. Besteak beste, euskaraz ere badagoen Open Office aplikazio-multzoa.