Turkiako Yashar Kemal idazleak (1923) kurduek jasaten duten zapalkuntza islatu zuen El halcón nobela historikoan (1953). Egungo idazle arabiarren artean Naghib Mahfuz egiptoarra (1911) gailendu da: 1988tik Nobel sariduna, nobela trilogia bat idatzi du Kairoko kale giroaren inguruan. Wole Soyinka nigeriarrak (1934), Nobel sariduna 1986an, yoruberazko poesia eta ingelesezko nobelak idazten ditu (Los intérpretes, 1965; La estación del caos, 1973). Oraingo narratzaile hebrearren artean aipatzekoak dira Abraham Yehoshua (1936) eta Amos Oz (1939).