Eneidaren bi parteetan nabari da Homeroren eragina. Odisean bezala, lehenengo partean Jainkoek Eneas heroia Troia bere jaioterritik Italiaraino helarazten dute; bigarrenak ere Iliada hartzen du eredutzat, Italian finkatu arte troiarrek hango herriekin izan zituzten borrokak kontatzen baititu. Azkenean, beren ondorengoek Erroma sortuko zuten. Hala, bada, iragan mitikoaz gain, Erromak Greziako elezaharrekiko lotura ere omen zuen.