Golkoko gerra amaitzean, ONUk Bagdadeko gobernuari baimena eskatu zion arma kimikorik edo atomikorik ba ote zeukan aztertzeko. Helburua zen Irak ez zedila mehatxu bat izan gune hartako gainerako estatuentzat. Sadamek eskabide horri uko egin zionez, nazioarteko elkarteak blokeo gogor bat ezarri zion Iraki, mendearen amaiera arte iraun zuena, eta lortu zuen emaitza bakarra biztanleria irakiarra erabat pobretzea izan zen.