Hainbat musika-genero jorratu bazituen ere, Bobby Darinek "Mack the Knife" eta "Beyond the Sea" kanta klasikoen bertsioekin lortu zuen ospea. Horrez gainera, aktore lanetan ere aritu zen eta NBC Ameriketako Estatu Batuetako katean saio bat aurkeztu zuen.

70eko hamarkadako giroa islatzen duen talderik hoberenetarikoa da Boney M. Ospe ikaragarria lortu zuten, milioika album saldu zituzten eta euren kanta gogoraerrazen bidez, "eurodance" musika sortu zuten.

Zinemaren historiaren barruan beldurrezko filmeetako aktorerik ezagunenetakoa da Karloff. Bere pelikulen artean, besteak beste, El Codigo Penal (1931), Frankenstein (1931), Scarface (1932), La mascara de Fu-Manchu (1932), La Momia (1932), El caseron de las sombras (1932), El gato negro (1934) eta La Patrulla Perdida (1934) dira aipagarrienak.

Brian Eno 70eko hamarkadako sormen handiko musikari britainiarra da. Roxy Music taldearen sortzailea eta ambient musikaren aita, azken hamarkadetako disko esanguratsuenen ekoizlea izan da, David Bowieren trilogia berlindarraren edo U2ren Joshua Tree diskoaren ekoizlea, besteak beste. Era berean, gaurkotasun handia duten Dido edo Coldplay taldearekin ere aritu da lanean.

50eko eta 60ko hamarkadako zinemaren sex-symbol nabarmena, Brigitte Bardot zinema klasikotik bizirik dirauen aktore bakarrenetakoa da, Elizabeth Taylor eta Sophia Lorenekin batera. Oso gazte zela erretreta hartu bazuen ere, 60 pelikula baino gehiago utzi dizkigu Bardotek, baina ziur asko bere ilehoriarengatik, ezpain nabarmenengatik eta edertasun eta gaztetasunagatik izango da oroitua.