Txipre

Irlatar estatu txiki hau osatzen duten bi komunitateak, grekoak eta turkiarrak, XIX. mendearen bukaeratik gatazkan daude: izan ere, Txipre 1983tik banatua dago, nahiz eta gizarte gatazkak hogei urte lehenago eztanda egin izan. Ekonomia nekazaritza eta turismoan oinarritzen da.

Ekialde Ertaina

Eskualde honek Asiako hego mendebaldea betetzen du, Mediterraneo eta Indo ibaiaren haranen artean, hala nola Arabiar Penintsula. Populazioaren gehiengoa musulmana da eta bertan daude Islamaren leku garrantzitsuenak: Meka eta Medina, Saudi Arabian kokatuak; Jerusalen Israelen eta Basora Iraken. Dena dela gutxiengo kristau garrantzitsuak ditu Siria, Irak eta batez ere Libanon. Ikuspegi etnikotik homogenotasun gutxiagokoa, lurraldea talde etniko eta hizkuntza talde ezberdinez populatua dago:

• Arabiarrak: gehiengo taldea, Arabiako penintsulan, Jordania, Siria, Libano eta Iraken nagusi da.
• Turkiarrak: Erdialdeko Asiatik etorriak, batez ere Turkian bizi dira.
• Kurdoak: ez dute estatu propiorik eta Turkia, Siria, Irak eta Iranen arteko mugen inguruan bizi dira.
• Irandarrak: Iranen batez ere, Islamaren bertsio xiita praktikatzen dute.

Eskualdeak garrantzia estrategiko izugarria du Pertsiar Golkoko eta Tigris eta Eufratesen erdiko haranaren petrolio aberastasun handiagatik. Honek azaltzen du inguru horretako herrialde batzuen errenta maila handia, zeinak nagusi diren sistema politikoen garapen sozial eskasarekin kontrastatzen duen: monarkia absolutuak, diktadurak, edo erregimen teokratikoak.

Israel

Palestinan ezarritako eta 1948an eratutako estatu hebrearra. Eskualdeko estatu garatu bakarra da nekazaritza, merkataritza eta industrian oinarritutako ekonomia oparo bati esker, hala nola Estatu Batuak ematen dion laguntza tekniko, militar eta ekonomikoari esker. 1967tik aurrera Zisjordania eta Gazako palestinar lurraldeak okupatzen ditu, zeinak inguruko populazio arabiarrarekin (palestinarrak) gatazka handiagotzera eraman duen.

Kibbutz bat, basetxe esperimental baten prototipoa, israeldar lurraldeari emaitza oso onak eman dizkiona.

Erdialdeko Asia

Afganistan eta Kazakhstan, Kirgizistan, Turkmenistan, Uzbekistan eta Tadjikistan sobietar errepublika ohiak hartzen ditu. Populazioaren gehiengoa musulmana da, baina Ekialde Ertainean bezala, aniztasun etniko nabaria dago:

• Iraniarrak: Afganistanen batez ere, erlijio musulmanekoak.
• Turkiarrak: beste herrialde guztietan nagusiak, Islama jarraitzen dute ere.
• Errusiarrak: herrialde guztietan Afganistanen izan ezik, gutxiengo eslaviar garrantzitsuak osatzen dituzte. Islamiar populaziotik argiki banatuak daude bai beraien mendebaldeko eta kristau kulturagatik bai dagozkien errepubliketan indar politiko garrantzitsua izateagatik.

Eskualdeak nazioarteko garrantzia txikia du bere isolamendu geografikoa dela eta, nahiz eta Kazakhstan bere azalera, populazio petrolio-baliabideengatik eta indar politikoagatik, eskualdeko potentzia garrantzitsu batean bihurtu den.