Hiponako Agustin 354. urtean jaio zen inperioko Numidia probintzian. Ama kristaua eta aita paganoa zituen eta hezkuntza tradizio paganoaren arloan jaso zuen: erretorika eta latindar egileen ikerketa. Filosofian jarduten hasi zen Zizeronen obra bati esker. Kartago, Erroma eta Milanen ikasi eta irakatsi zuen. Azken horretan manikeismoa eta eszeptizismoa ezagutu zituen, baina aurrerago utzi egin zuen platonismo eta kristautasunaren alde egiteko, hogeita hamabi urterekin. Apaiz ordenatu zen 391. urtean eta 396an Hiponako gotzain aukeratu zuten. 430. urtean hil zen.