Ugalketa asexuala duten organismoen ondorengoen aldakortasuna mutazioei zor zaie bakar-bakarrik, eta ugalketa sexuala duten organismoetan mutazioei eta, batez ere, meiosian gertatzen den birkonbinazio genetikoari. Mutazioa, berriz, ikuspegi kualitatibotik, birkonbinazioa baino askoz garrantzitsuagoa da, mutazioak gene berriak sor baititzake, eta birkonbinazioak geneen elkarketa desberdinak bakarrik eragiten ditu. Mutazioa, beraz, aldakortasunaren oinarria da, eta hori gabe ez legoke eboluziorik.