Organismo baten enbrioi-garapenean zehar gertatzen diren prozesu-multzoari esaten zaio ontogenia . Ikertzaileek aztertu ditzaketen aldaketa azkarrak dira. Hala ere, eboluzioan zehar gertatu den eta espezie jakin bat garatzea eragin duen prozesu-multzoari filogenia esaten zaio. Aldaketa oso mantsoak dira, mutazioaren eta denboran zehar gertatutako hautespenaren ondorio. Bi prozesuak elkarrekiko independenteak diren arren, espezie desberdinen enbrioi-garapena aztertzeak datu filogenetiko asko ematen ditu.

E. Haeckel zientzialari alemaniarra duela ehun urte baino gehiago ohartu zen «ontogeniak filogenia laburbiltzen duela», eta proposatu zuen indibiduo baten enbrioi-garapenak bere eboluzioaren historia islatzen duela.