Naziek boterea eskuratu zutenean, kontrol bortitza ezarri zuten arte-adierazpideen gainean, nazionalsozialismoaren agintari eta ideologoen iritziz estatu berriarekin bateraezinak zirenak ezabatu nahian. Era horretan, museo eta bilduma pribatuetatik baztertu eta bahitu egin zituzten Picasso, Klee, Ernst edo Grosz bezalako egileen lanak. Artista horien lanak "arte andeatu" gisa izendatu zituzten, eta beraz, debekatuak eta jazarriak izan ziren.