Dadá mugimenduak eta surrealistek, geroago, helburu bat finkatu zuten: artelana arrazoiaren mendekotasunetik libratzea. Hori lortzeko, halabeharrean oinarritutako sistemak eta teknikak erabili zituzten. Horrela, lehenengo automatismo-formak azalduko dira, hala nola kalkomania (pintura paperaren gainean isuri eta beste batekin presioa egitea), oszilazioa (pintura duen ontzi bat zulatu eta ausaz mugitzea) edo frottage izenekoa (paper bat gainazal lakar baten gainean jarri eta arkatz batez igurztea).