Errusia, 2010eko Donostiako Musika Hamabostaldiko protagonista nagusia Fri, 6 Aug 2010

Bihar hasi eta datorren irailaren 3ra bitartean, musika klasikoak Gipuzkoako hiriburua hartuko du Donostiako Musika Hamabostaldiaren 71. edizioarekin. Errusiako musika garaikidea izango da aurtengo protagonista. Lau asteotan, 80 ekitalditik gora izango dira eta Errusiako musikako izen eta orkestra garrantzitsuenek hartuko dute parte. San Petersburgoko Mariinsky Antzokiko Orkestra Sinfonikoaren emanaldiak emango dio hasiera ofiziala jaialdiari bihar, Kursaaleko Auditoriumean.

Donostiako Heineken Jazzaldiak hainbat estilo elkartuko ditu Wed, 21 Jul 2010
Gaur hasi eta datorren igandera bitarte, Gipuzkoako hiriburuak Heineken Jazzaldiaren 45. edizioa hartuko du, tradizio handiko Europako jazz jaialdi garrantzitsuenetako bat. Aurtengo edizioa izen handiko artistez beterik dator, eta ez soilik jazz estiloko musikariekin, bestelako estiloak jorratzen dituzten artistak ere izango baitira bertan. George Benson, Patti Smitj, Kris Kristofferson eta Elvis Costello dira hubilduko diren izen handietako batzuk.
FIB 2010: Benicassim musikaz bustiko da Thu, 15 Jul 2010

Gaur hasiko da Benicassimgo Nazioarteko Jaialdia, munduko musika jaialdi garrantzitsuenetako bat. Iazko edizioko antolatzaileek Oasis edo The Killers bezalako artista handien presentzia iragartzen bazuten, aurtengo edizioan ere musikari handiek hartuko dute parte, besteak beste, Gorillaz, The Prodigy edo Vampire bezalako talde entzutetsuek. Gozatu lau egunetan zehar kontzertu bikainez eta hartu atseden Europan dagoen hondartza zoragarrienetako batean eguzkia hartuz edo Mediterraneoko ur gardenetan bainatuz.

Bilbao BBK Live 2010, Kobetamendi musikak astinduko du Thu, 8 Jul 2010
Bizkaiko hiriak Euskal Herriko musika jaialdi garrantzitsuena hartuko du. Gaur hasi eta datorren igandera bitarte, rockaren hiriburuan bilakatuko da Bilbo. Pearl Jam, Rammstein, Faith No More, Paul Weller edo Alice In Chains dira, besteak beste, bosgarren edizio honetako talde esanguratsuenak. BBK Live jaialdiko eremuak 17:00etan irekiko ditu ateak. 110 euroko kostua izango du 3 eguneko txartelak, eta egun bakoitzean erosi nahi izatera, 50 euro ordaindu beharko dira.
Gaur hasiko da Heletan Euskal Herria Zuzenean jaialdia Fri, 2 Jul 2010
Estilo askotariko musikaz jantzita dator aurten Euskal Herria Zuzenean jaialdia. Berri Txarrak, Sorkun, Alpha Blondy, Rinocerose, Mikel Urdangarin, Zea Mays eta beste asko arituko dira Nafarroa Beherako Heleta herrian. Musikaz gain, familia osoa asetzeko moduko egitaraua prestatu dute antolatzaileek. 6 guneetan egongo dira banatuta ekitaldiak asteburu osoan, eta ostiral eta larunbaterako sarrerek 28 euroko salneurria dute eta igandeko txartelek, berriz, 20koa.
Bihar abiatuko da Azkena Rock 2010 Gasteizen Fri, 25 Jun 2010

Dena prest dago bihar Arabako hiriburuko urteroko musika ekitaldi garrantzitsuena abiatzeko. Kiss, Chris Isaak, Slash, Bob Dylan edo Bad Religion artisten emankizunak iragarri zituztenetik zenbait hilabete igaro ostean, itxaronaldia bukatu da, izan ere, bihar abiatuko da Azkena Rock Festival 2010. Musikaz betetako 3 egun izango dira, zeinetan, nazioarteko izarrez gain, Bronze eta Audience bertoko taldeak ere arituko diren. Gainera, ostiralean, larunbatean eta igandean doako kontzertuak egongo dira Andre Mari Zuriaren Plazan. Bestalde, gaur bertan, ARF2010 jaialdiaren aurkezpen kontzertu bat egongo da, Quique Gonzalezen eta Arizona Babyren eskutik.

Last Tour International enpresak antolatuta, Azkena Rock Festivalen bederatzigarren edizioa bihartik (ekainak 24) larunbatera arte (ekainak 26) izango da Gazteizko Mendizabala eraikinean. Jaialdiak 2 eszenatoki izango ditu, eta aurten hildako Power pop musikaren bi izarren izenak izango dituzte agertokiok, Alex Chilton eta Doug Fieger, hain zuzen ere.

Getxo Blues jaialdia gaur abiaraziko da Eric Sardinas kartel-buru gisa hartuta Fri, 18 Jun 2010
Uda berehala helduko da, eta urteroko legez, Getxon jaialdien denboraldia hastear da. Ohiko denez, Getxo&Blues arduratuko da jaialdiei ongietorria emateaz. Jaiak irauten duen hiru egunetan, bluesaren irudi ezagunak hurbilduko dira Bizkaiko herrira, besteak beste, Eric Sardinas, Raimundo Amador edo Bettye LaVette bezalako izar entzutetsuak. Ekitaldi batzuk ordaindu egin beharko dira, eta beste batzuk doakoak dira.
Esne Beltza 'Noa' lanarekin itzuli da Fri, 11 Jun 2010

Xabier Solano eta bere taldekideak bueltan dira. Made In Euskal Herria euren lehendabiziko lanarekin izandako arrakastaren ostean, dagoeneko kalean da Esne Beltzaren bigarrena lana. Noa izena jarri diote lan berriari eta, aurreko diskoak bezalaxe, honek ere estilo anitz jorratzen ditu, trikitia, hip hopa edo ska estiloa, besteak beste.

Delorean, The Wailers, Loquillo eta Los Planetas, Donostiako Aste Nagusiko protagonistak Wed, 16 Jun 2010

Eman dute ezagutzera abuztuaren 14tik 21era bitartean Donostiako Aste Nagusian izango diren kontzertuen egitaraua. Emankizunak eskainiko dituzten taldeak Los Planetas, Delorean, The Wailers, Kiko Veneno, Maldita Nerea, Loquillo eta Betagarri dira.

Musika jaialdiez bustiko da ekaina Fri, 28 May 2010
Musika jaialdiak urte osoan izaten badira ere, zalantzarik ez dago eguraldi onarekin batera, jaialdiak bikoiztu edo hirukoiztu egiten direla. Euskal Herrian ez ezik, espainiar Estatuan eta handik haratago ere musikak aginduko du datozen hilabeteotan. Uda guztietan bezalaxe, aurten ere artista garrantzitsuenek mundu osoko bazterrak nahastuko dituzte euren musika hotsekin. Gaurkoan, ekaineko aurrerapen batekin gatoz, beraz, hasi planak egiten!