1995ean laukotea bigarren diskoan hasi zen lanean, baina ordurako taldeko kideen arteko harremana pitzatzen hasia zen. Hortaz, denbora batez banantzea erabaki zuten, lan berria kaleratu aurretik. Isilune labur baten ondoren, lanari ekin zioten berriz eta, 1996ko apirilean, Rage Against the Machineren bigarren diskoa dendetara heldu zen: Evil Empire. Lau urte igaro ziren taldearen opera primak argia ikusi zuenetik, baina zaleek ez zuten taldea ahaztu. Evil Empirek AEBetako berrehun diskorik salduenak biltzen dituen Billboard aldizkariaren Top 200 zerrendako lehen postua lortu zuen. Bigarren lan horretan, taldeak lehen diskoaren bidetik jarraitu zuen, bai soinuari bai abestien zama ideologikoari dagokienez, mugimendu zapatistaz mintzatzen den "People of the Sun" abesti ospetsuan argi geratzen denez.

Hip hop, rap, funk, punk, hardcore punk eta hard rock estiloen arteko nahasketa eta kutsu soziopolitiko handiko abestiak. Osagai horiekin sortu zen 1990ean Rage Against the Machine, azken bi hamarkadetako rap metalak emandako bandarik polemiko eta entzutetsuenetakoa. Bere estilo bereziari esker, Estatu Batuetako laukotea ospearen gailurrera iritsi zen 90eko hamarkadan. Estudioko lau disko kaleratu zituzten, kritikaren eta publikoaren babesa lortuz. Agertokietan hamar urte eman ondoren, 2000. urtean banda desegin zen. Beste musika proiektu batzuetan ibili ostean, zazpi urte geroago, 2007an, taldea batu zen eta, estudioko diskorik kaleratzeko asmorik ez izan arren, gaur egun kontzertuak eskaintzen jarraitzen dute munduko txoko eta jaialdi ezberdinetan, bere betiko zaleen gozamenerako. Hartara, aurtengo ekainean Madrilgo Rock in Rio jaialdian arituko direla iragarri dute. Ikuskizuna bermatuta dago.

Zinemaren historiari Raoul Walshek egin zion ekarpena laburtu behar izango bagenu, westerna, zinema beltza edota itsas drama bezalako genero klasikoen bidez abenturaren mundua bere zentzurik zabalenean pantailaratzen jakin izan zuela izan zen. Gauzak horrela, zaletuen gogoan irauten duen sormen-lan zabala taxutzea lortu zuen, hainbat belaunaldi gozarazi dituena.

Zazpi urte zituela, itsu geratu zen Charles, eta hainbat musika-estiloren arteko mugak esploratu zituen bere ibilbide osoan. Haietan guztietan, bere ahots sakon eta epelaren arrastoa utzi zuen. Musikariak, besteak beste, Elvis Presley, Aretha Franklin, Stevie Wonder eta Billy Joel abeslariengan izan zuen eragina.

Azken garaietako rock talderik egonkorrena da Michael Stipek, Peter Buckek, Bill Berryk eta Mike Millsek osatu dutena. Duela 20 urtetik gaur egun arte, gogor jardun dute lanean rockaren munduan, abestiak eginez, diskoak kaleratuz eta etengabe bide berriak jorratuz: popa, garage-rocka, country-rock, folk-rocka eta musika psikodelikoa egin izan dute. Taldekideak, gainera, beti berak izan dira; Bill Berryk soilik alde egin du, osasun arazoak direla eta.