Anne Baxterrek sekulako garrantzia izan zuen 40 eta 50eko hamarkadetako Hollywooden. Orson Welles, Billy Wilder eta William A. Wellman bezalako zuzendari entzutetsuekin lan egin zuen. Antzeztaldeko emakumezko aktorerik onenaren Oscar saria lortu zuen Edmund Gouldingen The Razor's Edge filman egindako lanagatik. Handik urte batzuetara emakumezko aktorerik onenaren Oscarrerako proposatu zuten Joseph L. Mankiewiczen Den-dena Evari buruz pelikulan egindako antzezpenagatik. 60ko hamarkadan, baina, telebistara egin zuen jauzi, eta handik aurrera telesail askotan parte hartu zuen, Hotela ospetsuan esaterako.

Modelo lanak eta irratiko serialak egin ondoren, zineman egin zuen debuta aktoreak 16 urterekin. Prisionero de su traicion (1954), Conspiracion de silencio (1955) eta Semilla de maldad (1955) filmetan hartu zuen parte. 60ko hamarkadan, ordea, telebistan egin zuen lan buru-belarri, Alfred Hitchcock Presenta, Kung-Fu eta Los Angeles de Charlie serietan, besteak beste.

Anthony Perkins oso aktore ezaguna egin zen Psicosis, Alfred Hitchcoken maisulanean, Norman Batesen papera egin zuenean. Perkinsek film esanguratsuetan hartu zuen parte, dena den, Norman Bates pertsonaia ezagunaren ezaugarri psikologikoek aktorearen ibilbidea baldintzatu zuten.

Hollywoodeko aktore latinoamerikar garrantzitsuena izan dela diote askok. Bere ibilbidean zehar hainbat golardo jaso zituen Anthony Quinnek, tartean Oscar bat. Ehun bat film egin zituen, baina Zorba the Greek filman egindako paperarengatik egin zen famatu. Eskultore eta pintore bezala ere ezaguna egin zen Quinn, eta azken urteetan bere maitasun abenturek egin zuten ospetsu aktorea.

Duela gutxi hil den Antoni Ribasen ibilbide profesionala Franco zendu ostean trantsizio demokratikoari esker beren ideiak aditzera eman ahal izan zituzten Espainiako Gerra Zibileko galtzaileen aldarrikapenei lotuta egon zen. Horixe erakusten dute La ciutat cremada (La ciudad quemada) eta Terra de canons (Tierra de cañones) bezalako lanek. Erabat inkonformista eta ezin kritikoagoa, Generalitateari pelikula bat filmatzeko diru-laguntza eske 1993an Sant Jaume plazan kanpatuta egin zituen 10 hilabeteetan bizitako gorabeheren inguruko film autobiografiko batean ari zen lanean heriotzak ezustean harrapatu zuenean.