Honen ahotsak, estilo lasaiak eta egin dituen antzezpen bikainek, zinema modernoaren irudi errespetagarrienetako bat bihurtu dute Morgan Freeman. Aktore eta ekoizle estatubatuarra, antzerkian eta telebistan eman zituen bere aurreneko pausoak, 1971. urtean zineman lehenengo agerraldia egin zuen arte. 50 film baino gehiagotan parte hartu du, eta Million Dollar Baby pelikulan egindako lanagatik Oscar bat eskuratu du.

Behin kamerarekin erakutsi nahi dena zehaztuta, hori nola egin nahi den erabaki behar da. Horretarako, zineman gaur egun oso erabilgarriak diren bi kontzeptu daude: mugimendua eta ikuspuntua. Mugimenduak sormen-maila handia ematen dio filmari, mugimendu-eredu anitz erabil daitezkeelako. Ikuspuntuak, berriz, sormen-lana indartzen du. Izan ere, ekintza bera modu eta ikuspuntu ezberdinetatik erakustea aberasgarria da filmarentzat.

Mugimenduarekin batera, ikuspuntua oinarrizko ezaugarria da zinemagintzan. Ikuspuntuak, sormen lana indartzen du. Izan ere, ekintza bera modu eta ikuspuntu ezberdinetatik erakustea aberasgarria da filmarentzat.

Mozart haur prodijioa izan zen. Hiru urte zituela klabizenbaloa jotzen zuen, laurekin biolina eta bost urte eta erdirekin bere lehen abestia konposatu zuen. Jenio honen musikak, egun ere, harritzeko eta zirrara eragiteko ahalmena du. Mozart historiak eman duen musikaririk harrigarriena izan da.

Jamaikan dolua da nagusi. Iragan abenduaren 28an Vicent Ford hil zen, reggaearen munduko kanta ezagunenaren egile intelektuala. 68 urterekin zendu zen aspaldidanik eragiten zion diabetesaren ondorioz. "Tata" bezala ezaguna, "No woman, no cry" kantaren sortzailea izan zen, Bob Marley "rastaman" handiaren kanta arrakastatsuenaren egilea, hain zuzen ere. Albistea Bob Marley Fundazioko bozeramailea den Paul Kellyk eman zuen, Ford bere gaixotasunak eragindako zailtasunen ondorioz hil zela esanez. Lehenagotik gaixotasunak bi hankak moztera behartu zuten Ford, eta harrezkero gurpildun aulkian ibili beharra izan du bere heriotzara arte.