Pennsylvaniako aktoreak arrakasta handiko pelikulak egin zituen eta Oscar sarirako ere izendatu zuten, nahiz eta Culver akademia militarrean ikasi. Armadako ingeniaria izateko prestatu bazen ere, Una mujer de Paris, Un gran reportaje eta Senderos de gloria filmen protagonista izan zen.

Aerosmith Ameriketako Estatu Batuetan sortu zen rock banda handi eta ospetsua da. 70eko hamarkada hasieran osatu zuten Steven Tyler (ahotsa, teklatua eta aho soinua), Joe Perry (gitarra eta bigarren ahotsa), Brad Whitford (gitarra), Tom Hamilton (baxua) eta Joey Kramer (bateria) musikariek.

Bandako kideek hainbat eztabaida izan ondoren, 1984ko otsailean, Joe Perry eta Brad Whitford gitarristek Aerosmitheko taldekide ohiak bisitatu zituzten eta adiskidetu egin ziren ostera; diotenez, haien emazteen ahaleginari esker. Taldea, beraz, berriro elkartu eta "Back in the Saddle Tour" biran murgildu zen.

Madrildarra oso ezagun egin zen gure artean "La Regenta", "La escopeta nacional" edo "Los ladrones van a la oficina" telesailetan parte hartu ondoren. Pantaila handian Luis Garcia Berlanga, Fernando Fernan Gomez eta Jose Luis Garci zuzendarien gidaritzapean aritu zen.

Bere ibilbide luzean zehar, Al Pacino aktore estatubatuarra beti saiatu da bere bi zaletasunik maiteenak (zinema eta antzerkia) bateratzen. Bere filmek arrakasta ikaragarria izan badute ere, Pacinok ez du inoiz agertokia alde batera utzi. Antzezpenaren benetako izaera antzerkian delakoaren ustea du eta mundu honi zenbat zor dion ederki daki bere aktore gisako hasierako lanak antzerkian egin baitzituen. Etorkizunean esparru biak batzen jarraituko duela dio eta zinea antzerkiagatik inoiz ez lukeela utziko ezta alderantziz ere.