Amelie Poulain filmean ezagun egin zen Audrey Tautou aktore frantziarrak The Da Vinci Code pelikulan egingo du lan Ron Howard zuzendariak adierazi duenaren arabera. Filmazioa martxoan hasiko da eta protagonistarena egingo du Taulouk.
David Hasselhoff aktorea El coche fantastico telesailarekin egin zen ezagun 80ko hamarkadan, baina benetako protagonista da, lau gurpilduna, orain Kalifornian salgai jarri dutena. 1982ko Pontiac TransAm beltza da, telesaila egiteko erabili zuten lau autoetako bat. Ibilgailu hitzontzia, jakintsua eta azkarra zen KITT. 149.995 dolarretan dago salgai eta irudi futurista ematen zioten argiak eta botoiak ditu oraindik, hitz egiteko gaitasuna eta gaizkileak harrapatzeko trebetasuna, ordea, ez, horiek gidoiaren kontuak baitziren. 3.851 kilometro ditu, itzulipurdiak egiteko balazta eta baita telebista monitore bi ere barruan.
Santo Domingo de la Calzadako katedralak bere apopilo bitxiak hartuko ditu berriz. Tenplu gotikoan egindako berriztatze obren ondorioz, hegaztiak kanpoan egon dira bi hilabetez. Antonio Rojasek 25 urtez zaindu ditu mirari famatuko oiloa eta oilarra; baina bere heriotza eta gero, familiak Santuaren Kofradiari eman zion haztegia. Egungo zaintzaileak inkubagailu makina bat lortu du txita zurien biziraupena ziurtatzeko. Bikoteak aldatu egiten dira astero edo bi astero, batetik, kaiolan egoteak suposatzen duen estresa ekiditeko, eta, bestetik, katedraletan izan ohi den hotzak fisikoki kaltetu ez ditzan.