Informazio orokorra

Ez duzu saioa hasi. Ikastarora sarbidea izateko sartu lehenengoz zure posta elektronikoa eta pasahitza.

OHARRA: Produktu honen interneten bidezko on line bertsioa eta Internet Explorer nabigatzailearen 10. bertsioa bateraezinak dira (azken hau Windows 8k dakarrena da). Horren ordez, ordenagailuan instalatutako off line formatua erabil dezakezu.
Microsoftek bere nabigatzailearen bertsio berriaren egitura aldatu egin duenez eta aurreko produktu askorekiko bateragarritasunari ez eustea erabaki duenez, zure ordenagailuan Windows 7 izanez gero, eta ordenagailuak berez dakarren Internet Explorer 9. bertsiotik 10.era edo gerokora igarotzekotan, litekeena da produktu honen on line bertsioa ezin erabiltzea.
 

e-Lea. Hizkuntza ikastaroak on-line

e-lea txikia

Zure ordenagailuan hizkuntzak ikasi nahi, era interaktiboan eta zure etxetik?

23 urte baino gehiago badituzu eta EAEn bizi bazara, 45 euroren truke soilik lau hizkuntza (ingelesa, frantsesa, alemana eta italiera) on-line(interneten bidez) ikasteko aukera duzu. Offline modalitatea nahiago baduzu (programak zure ordenagailuan deskargatuz), 55 eurotik aurrera egin dezakezu.

 

Ikasketa modu bakoitzaren kostua

Bi modalitateetarako lizentzia: 45€

ONLINE, interneten bidez: Lizentzia ordainduz gero, 5 urtez hizkuntzak ONLINE ikasteko eskubidea duzu.

OFFLINE: Bi aukera dituzu: Internet bidez deskargatzea edota instalazio-CDak erabiltzea. Bi kasuetan 5 urtekoa da lizentzia.     

  • Deskarga-esteka interneten bidez: 10€ hizkuntza guztientzat. Guztira: 55€
  • Instalazio-CDak: + 29€  hautatutako hizkuntza bakoitzaren CDen truke. CD-jokoa guztira: 75,25€
  • CD gehiago: Hizkuntza gehiago eros ditzakezu zure beharrizanen arabera: 29€ hautatutako hizkuntza bakoitzaren CDek.

Hizkuntza-ikastaroak bakarka egiteko dira eta baita matrikula ere. Hori dela eta, pertsona bakoitzak indibidualki emango du izena erabiltzaile konkretu batekin. Ikastaroa interesgarria iruditzen bazaizu, jarraitu baino lehen sar zaitez doako demoan (AUralog-ek, darabilgun software-aren jabea, onartzen duen sistema demo bakarra), ezagutu eta probatu ahal izateko.  

Matrikula egiteko baldintzak

Parte hartu ahal izateko, 23 urtetik gora izan behar dituzu eta EAEn erroldatuta egon behar duzu, baina zenbait salbuespen daude: batetik, Europako Erasmus+ programetan parte hartzen duten LHko ikasleak; bestetik, Bigarren Hezkuntzako edo LHko ikasleak, betiere beren irakasleei hiru.eus-eko ikastaroen erabilera onuragarria iruditzen baitzaie eskola-materialaren osagarri gisa. Bigarren kasuan prozesua bi pausutan burutuko da:

  1. Posta bitartez ondoko agiriak bidali behar dituzu Eusko Jaurlaritzaren Heziketa eta Etengabeko Ikaskuntzaren helbidera: irakasle interesdunek sinatutako txosten laburra (orri bakarra gehienez). Bertan azaldu behar dute material hau beren ikasleekin erabili nahi izatearen zergatia, zer nolako erabilera emango dioten eta ikasle-zerrenda (izen-deiturak, NANak, jaiotze-datak, burutzen ari diren ikasketak), eta ikastetxeko zuzendariak ere sinatu behar du dokumentua. Agiriak bidaltzeko helbidea: Eusko Jaurlaritza, Hezkuntza saila, Heziketa eta Ikaskuntza Sailburuordetza, Teknologiaren eta Ikaskuntza Aurreratuen Zuzendaritza, hiru.eus-eko koordinazio arduraduna – Donostia-San Sebastián kalea, 1 zb. 01010 Vitoria-Gasteiz. Horrez gain, lana bizkortzearren, bidali eskaneatutako kopia hurrengo helbidera: info@hiru.eus.

  2. Agiriak bidali ostean, ikasleek matrikula egin dezakete beste edozein hiritarrek bezala. Amaitu eta gero, beraien datuak bidalitako agirietan egiaztatuko ditugu eta ikastaroak erabiltzen hasi ahal izango dira.

 

Matrikula nola egin  

Ordenagailu bidezko testa egin duzu? Emaitzak zuzenak dira?

Gogoan izan zure ordenagailuak gutxieneko baldintza batzuk bete behar dituela eta testa igaro behar duela. Behar duzun lehenengo gauza hiru.eus-eko erabiltzaile-kontua. Orduan zure matrikula egin dezakezu.

Gogoan izan inprimatutako ordainketa-frogagiria, erroldatze-ziurtagiria, eta NANaren kopia bidali behar direla posta bitartez ondorengo helbidera: Hiru.eus Dokumentazioa, Teknologiaren eta Ikaskuntza Aurreratuen Zuzendaritza - Hezkuntza saila, Donostia-San Sebastián kalea, 1 zb. 01010 Vitoria-Gasteiz (Araba).

 

Zein ordenagailu mota behar dut?

  • Bateragarritasuna: PCekin bateragarria da; Celeron 333MHz edo handiagoa
  • Sistema eragilea: Windows XP edo handiagoa
  • Online modurako nabigatzailea: Internet Exploreren 6 eta 9 tarteko nabigatzaileak, 32 bit-era. Ez da nabigatzaile honen 10. bertsioarekin bateragarria (Windows 8k lehenesten duena).
  • RAM: gutxienez 512 MB
  • Disko gogorrean behar den leku librea: 150 MB
  • Soinu-txartela: Windows-ekin bateragarria den 16 bit-eko txartela
  • Bideo-txartela: 1.024x768 16 milioi koloretan (24 bit)
  • Osagarriak: mikrofonoa eta bozgorailuak edo mikrofonoa duten entzungailuak
  • Internet konexioa on-line modurako:  edozein motatako banda zabal, zein ADLS, zein KABLE, zein ZUNTZ.
  • Beharrezko osagaiak

Ikastaroa egin ahal izateko, ondorengo osagaiak beharko dituzu:

  • Flash Player.
  • TELL ME More metodoaren hizketa ezagutzeko tresna
  • Hautatutako hizkuntzetako hiztegiak

 

Maila eta tituluak  

Ikasturteok 900 ordukoak dira gutxi gorabehera, eta bederatzi maila linguistikotan banatuta daude (italiera izan ezik, horrek bost maila ditu bakarrik).  Lortu ahal izango duzun maila zein izango den jakiteko, baliokidetasun taula begiratu.

Auto-ikaskuntza ikastaroa denez, eta ikaslearen lanean parte hartzen duen tutorerik ezta irakaslerik ez dagoenez, ezin daiteke lortutako maila bermatu. Beraz, ikastaroa betetzeagatik ez zaizu titulurik ezta ziurtagiririk emango. Ikasturtea hamar urtez egongo da indarrean, behin baimena jasota.

EAEn bizi direnei hizkuntzak ikastea erraztearren, Eusko Jaurlaritzako Hezkuntza Sailak martxan jarritako programa.

Guardar

Guardar

Guardar

Guardar

Guardar

Guardar