Deskripzioa eta oharrak:

Algortan dago eliza hau, arkupea atxikita duela.

Bi alditan egin zen eraikina: lehenbizikoan eliza bera egin zen eta bigarrenean sakristia, kanpandorrea eta arkupea. 1863ko ekainaren 8an inauguratu eta bedeinkatu zuen Gasteizko gotzainak.

Hiru habearte ditu burualde zirkuluerdi formakoarekin.

Sarrera nagusia eskuinaldean dago eta kanpaientzat hiru bao dituen kanpai hormak koroatzen du, eta frontoi txiki hiruangeluar batek eta burdin forjatuzko gurutze batek ematen diote gaina. Kanpai hormaren behenean makineria-erloju bat ikusten da, eta horren azpian hiru leiho biribil. Alde banatan, garaiera desberdinetan, bi pinakulu parek apaintzen dute kanpai horma.

Sarrerako atean ezker-eskuin arkupea dago angelu eginez; zurezkoa da eta burdinazko zutoinak ditu apaingarriekin; zutoinak harrizko hormatxo batean bermatuta daude.

Sarrera aurrean ataripe handi bat dago pilastretan tinkatuta, eta frontoi hiruangeluar batek errematatzen du hori.

Manposteriaz egina da, baina harlandua du ertz, erlaitz, bao inguru eta portadan.