Deskripzioa eta oharrak:

Gernika-Lumon dago eliza, erdigunean. Ondoan egin diren eraikuntzen artean erdi ezkutaturik geratu da eta ezin du bere burua besteen gainetik harro erakutsi.

Oinplano angeluzuzena du elizak eta abside poligono formakoa.

Fatxada nagusian portada gotiko txaranbeldu bat ageri da arkiboltetan apostoluak dituela; arku txiki batzuk ditu tinpanoan eta, ateburuan, letra gotikoz idatzita, idazkun bat dago egilearen izenarekin eta datarekin (Sancho de Amparan, año 1449). Bada mainel bat ere non ikusten den Ama Birjinaren irudia haurrarekin, baita imajina batzuk ere janbetan. Gaineko atala itxita dago zirkuluerdiko hiru arku itsurekin. Orobat azpimarragarri dira fatxadan ojiba bao bat, zirkuluerdiko leiho txaranbeldu bat eta kanpai horma hiru gorputz mailakaturekin osatua.

Oineko fatxadan portada txaranbeldu ojibal bat ageri da; tinpanoan noiz egin zen esaten da, 1904. urtean alegia. Horma berean leiho handi bat eta zirkuluerdiko bao bat aurkitzen dira, baita ostiko batzuk ere eraikinean perimetroan banatuta.