Deskripzioa eta oharrak:

Bermeo arrantzale herrian aurkitzen da eliza neoklasiko bitxi hau. Silvestre Perez arkitektoaren proiektuaren arabera egin zen, XIX. mendean. M. Luis Aranak eta Acebalek ere parte hartu zuten.

Oinplano oktogono formakoa du Santa Mariak, eta kanoi gangekin estalita dago. Barruan badira sakristiak, harmailak, kaperak, korua, absidea... Baina eite neoklasikoa gehien nabarmentzen duena portada da: arkupea du lau zutabe doriar handirekin -fuste leunekoak-, eta hauek frontoiari eusten diote. Alde banatan kanpandorre bana, baina horietako bat bakarra dirudi dagoela bukatuta, izan ere, besteak ez bezala, danbor kubikoa du eta horren gainean bermatuta zortzi aldeko kapitela. Eraikina harlanduzkoa da.