Deskripzioa eta oharrak:

Arabako Lautadan, Burgu udalerrian dago Andre Mariaren Jaiotzaren eliza. Oso garai desberdinetako estilo arkitektonikoak suma daitezke bertan nahas-mahas: erromanikoa, gotikoa, errenazentista. Azken urteetan Arabako Foru Aldundia gogotik saiatu da eliza zaharberritzen.

Bi aldi ongi berezitan egina da: burualdeari dagokiona Erdi Arokoa da, eta gainerako guztia, habeartea (bakarra), korua, kapera, sakristia eta dorrea, geroagokoa.

Burualdea da zaharrena eta interesgarriena. Absidea oktogonala da -bost alde ditu- eta Arabako protogotikoaren adibiderik onenetakoa da. Abside horren alde bakoitza baketoien bidez bakartuta dago eta arkuteria zorrotza du; arkuek absideko hormatalean eta hegoaldera irekita dagoenean bakarrik ditu baoak. Burualdean, gorenean, alderik alde harburu apainduz hornituriko erlaitz ederra dago.

Habeartea manposteriaz egina da.