Deskripzioa eta oharrak:

Orain plaza dagoen lekuan, garai batean, XV. mendeko eliza bat zegoen. XVIII. mendean lurrera bota eta berria eraikitzea erabaki zuten. Hori egiteko arrazoi teknikoak izan zituzten. Berriak ez du ez estiloz ez itxuraz zerikusirik zaharrarekin. Santa Ana eliza historia-inguru interes handikotzat dute.

Egungo elizak hiru habearte ditu, erdikoa albokoak baino zabalagoa, eta gurutzadura oso zabala da. Luzeran hiru atal ditu eta burualde lauangeluarra. Oinean sarbidea, arkupeak babestuta, eta honen gainean dago altxatuta kanpandorrea. Kanpandorrean herriko armarria ageri da eta zurezkoa dirudien erloju bitxi bat. Kanpoaldean kontrahorma edo ostiko sendoak nabarmentzen dira.