Deskripzioa gaur egun:

Zubia itsasadarraren gainean dago, Portugalete eta Areeta bitartean, eta itsasadarreko bi aldeak komunikatzen ditu, zeinetan kaietako pasealekuak dauden. Zubi transbordadore hau burdin arkitekturaren adibide adierazgarria da, garrantzi eta zailtasun handiko arazo teknikoa gainditzen duena. Zubiak lau dorre metaliko errematxatu ditu, eta horiek 160 metro luzeko plataforma bati eusten diote, lurraren mailatik 45 metro gorago. Plantxa horren gainean gurdi elektriko bat ibiltzen da, errailen gainean, eta gurdi horretatik, kable batzuen bitartez, ontzi bat dago zintzilik, ibilgailuak eta bidaiariak eraman ditzakeena. Duen garaieragatik, tona kopuru handia duten ontziak ere igaro daitezke, eta bera da Bilboko itsasadarrean sartzeko atea.

Datu historikoak:

Beste proiektu batzuk baztertu eta gero, Alberto de Palacio ingeniariak heldu zion erronka honi, XIX. mendearen amaieran, eta alternatiba berritzaile bat aukeratu zuen: munduko lehen zubi transbordadorea eraiki. Zubia 1893an ireki zen jendearentzat. Hasierako urteetan ustiapenak ez zuen oso emaitza onik izan, baina, eskualdearen hazkunde demografikoaren eta industrializazioaren ondorioz, konpainiaren zoria aldatu egin zen. Espainiako gerran zehar zubia suntsitu egin zuten, eta gerraren amaieran berreraiki: 1941ean inauguratu zuten berriro.