Gaur egungo deskripzioa:

Urteak joan eta urteak etorri Fagollaga izeneko Hernaniko inguru hori hainbat gauza egiteko erabili zen, baina ordukoetatik kontserbatzen diren bakarrak langileen etxebizitzak, bulegoak eta burdinolako eskola dira, indarretxe berria jasotzeko egin behar izan ziren lanengatik kare labeen multzoa eta azpiegitura hidraulikoa erabat bestelakotuta baitaude. Fagollagako zementu fabrikako labe handia nabarmentzen da oroz gainetik, baita fabrikari eusten dioten arbotanteak ere.

Datu historikoak:

Hernaniko Aingura Fabrikan zegoen burdinola XVI. mendekoa da, eta lanean jarraitu zuen XIX. mende herena arte; orduan paper fabrika bilakatu zen, ondoren zementu fabrika eta, azkenik, gaur egun, indarretxe.