Eraikin bakartua da, oinplanoa zertxobait luzatua duena, eta lau isuriko estalkia. Hormak manposteriazkoak ditu, pintzelatuta, harlandu itxura eman nahian, eta alde nagusi guztia ere harlanduz egina du.

Beheko solairuan, leiho artean, dobeladun sarbide bat du, bi alboetara pilastrak dituela. Lehen solairuan, hormaren arrasean jarritako balkoiak ageri dira bi muturretan, eta balkoi irten bat erdian, burdinazkoa. Erlaitz molduratua du horrek, eta, gainean, teilatu hegala, zurezko harburuekin .

Lorategi interesgarri bat ere badu, burdin forjatuzko hesi baten atzean.

Noizean behin bakarrik erabiltzen dute eraikin hau, eta hala ere nahiko egoera onean dago.

Kapera bat ere bazuen, eta hantxe egon zen Agirre lehendakaria erbestera alde egin aurretik.