Zurezko zutabeetan oinarritutako egitura erakusten du, herri arkitektura tradizionalaren ildoari jarraituz.

Oinplano angeluzuzeneko baserria da. Isuri biko teilatua du, oso irtena, eta lau jabaloiren gainean bermatua (eskuin muturrekoa falta du).

Beheko solairua, lehenengoa eta ganbara ditu, azken hori bi hutsarterekin irekia. Beheko solairuan sarbide bat dago hormaren erdian. Sarbide horren gainean, lehen solairuan, zurezko balkoi txiki bat dago, bi sarbiderekin, eta muturretan, berriz, bao bat bakoitzean, argiari sartzen uzteko.

Baserriaren alde nagusian zurezko bilbea dauka, eta alboetako hormetan, berriz, manposteria . Atzeko aldea kareorez estalitako adreiluz egina dago.

Aurreko aldean zati bat du erantsia, eta zertxobait estali egiten du alde nagusia. Atzeko aldea handitu egin dute.