Jatorriz eraikin bakartua zen, harlanduxkaz egina eta piramide formako estalkiarekin; gaur egun, ordea, zati batzuk ditu atxikiak, eta horiek oinplano karratua duten eraikin kubikoak dira.

Barruko aldea oso aldatua du, eta solairu banaketa ere bai, baina baditu jatorrizko bao batzuk ere: zenbait saietera , zirkuluerdiko sarbidea eta, batez ere, leiho biki zorrotz samarrez osatutako galeria bat, hirugarren solairuan. Leiho guztiak zimendudunak dira eta habea apainduta dute, iltze buruekin, zehazki. Galeria horren gainean harburu ilara bat ikusten da.

Alde nagusian XVII. mendeko armarri bat dauka, honako idazkiarekin: "SIGNA UBIORUN ARANCIBIALDE NOBRIUM".

Arantzibia dorrea erre egin zuten ganboarrek, 1443an.