Sukaldaritzaren alderdi desberdinak azaltzen ditu erakusketak, eremu profesionalean eta etxeko sukaldeetan nolakoak diren azalduz. Garai desberdinetan janaria prestatzeko erabili diren sukaldeak eta jakien prestaketa hobetzeko asmatutako makinak daude ikusgai. Hauen ondoan, sukaldarien, gozogileen eta zerbitzarien jantzi tipikoak dituzten manikiak eta euskal sukaldari garrantzitsuenen irudira egindakoak daude.

Elkarte eta kofradia gastronomikoen inguruko informazio zabala, gastronomia arloko bibliografia eta mundu guztiko jatetxeen karta-bilduma ere ikusgai daude museoan.