Espainiak ondo hasi zuen Konbentzioko gerra 1793an, baina hurrengo urtean gauzak erabat okertu zitzaizkion. Gudaroste iraultzaileak Penintsulan sartu eta Donostia hartu zuten.
Jainkoaren etsaiei aurre egin behar zitzaiela zioten apaizek bultzatuta, herritar gehienak borrokatzeko prestatu eta frantsesen aurkako biltzar bat osatu zuten. Iraultzaileen alde zeudenek ere beste batzorde bat egin zuten.
1795eko uztailean Konbentzioko gudarosteek Bilbo hartu zuten. Egoera hain larria zenez Godoyk Frantses Errepublika onartu zuen Basileako Itunean, eta Espainiarena zen Santo Domingo uhartearen zatia utzi zuen, eta horren ordainez galdutako penintsulako eremuak berreskuratu zituen.