Ramiro Larrañagaren Armeros vascos (2001)

Ramiro Larrañaga Fernández de Arenzana Soraluzen jaio zen 1924an. Aitak eskopetak egiten zituen lantegi txiki batean, baina 1935ean hil egin zen eta ama bere haurrekin miseria gorrian geratu zen. Ramiro, denetan zaharrena, izeba moja baten bidez, Iru ntilde era joan zen ikastera. Han ikasten ari zela harrapatu zuen 1936ko gerrak, altxamendua nagusitu zen aldean beraz. 15 urte besterik ez zituela erreketeekin frontera joan behar izan zuen. Gerratik herrira itzuli zenean Soraluzeko kanoi-fabrikan hasi zen lanean grabatzaile gisa. Eibarko eskopeta-fabrika batean apaindurazko grabaketak egiten ikasi zuen. Soldadutzatik itzuli zenean bere kontura hasi zen lanean. Urte batzuetan Soraluzeko udaletxean lan egin zuen bulegari gisa, baina ostera bere lantegira itzuli zen. Gero Donostiako Udal Aurrezki-Kutxaren argitalpen-zerbitzuan aritu zen lanean zuzentzaile gisa. Dena den, bere bizibideaz gain idazle izatea izan du gogokoen, beti ere armagintzaren eta grabaketaren inguruan.