Miguel Primo de Rivera (1870-1930), karrera militarra Marokon gauzatu zuen espainiar militarra da. Bertan, bere garaiko beste militar batzuek bezala, gerra merituei esker igoera azkarrak lortu zituen. 1898an Estatu Batuen kontrako gatazkan parte hartu zuen. Espainiak Marokoren iparraldea utzi zezan defendatu zuen eta kapitain jeneral postuak izan zituen Balentzian, Madrilen eta Bartzelonan. 1923an Estatu kolpe bat eman zuen Alfontso XIII.aren eta kataluniar burgesiaren laguntzarekin, eta diktadore izendatu zuen bere burua, 1930erarte bete zuen kargua. Dimititzera beharturik, Frantziara erbesteratu zuen bere burua, bertan hil zelarik.