Estatu kolonial bakoitzak modu diferentean aurre egin zion zegokion inperiotik disgregatzeko prozesuari. Honela, Erresuma Batuak independentzia baketsua onartu zuen, Indiaren kasuan izan ezik. Bestalde, adibidez Portugal edo Frantzia indarraren bidez ahalegindu ziren beren kolonien independentzia eragozten. Bereziki gogorrak izan ziren Aljeria, Angola eta Mozambikeko gerrak. Espainia era baketsuan askatu zen bere kolonietatik, Sahara Mendebaldarra Maroko eta Mauritaniaren eskuetan uzteak gaur arte irauten duen gatazkaren hasiera suposatuko bazuen ere.