1987ko Konstituzioaren arabera, herriaren subiranotasuna herritarren esku dago. Herritarrek lau urtean behin egingo diren hauteskunde orokorren bitartez hautatuko dituzte botere legegilearen ordezkariak, bi ganberatan banatzen direnak: Diputatuen Kongresuan eta Senatuan. Kongresuak Gobernuko presidentea hautatzen du eta horrek ministroak izendatzen ditu. Presidenteak eta bere ministro-kabineteak botere exekutiboa osatzen dute eta beren jardueraren kontu eman behar dute legebiltzarraren aurrean. Azkenik, botere judiziala independentea da eta oposizio edo lehiaketa publikoz kargu horretara iristen diren epaileek osatzen dute.