Testu konstituzionalaren arabera, Espainiako erregea Koroaren titularra da eta berari dagokio bizitza publikoaren moderatzaile izatea eta Estatua eta espainiar guztiak ordezkatzea. Ez dauka, beraz, benetako botererik, subiranotasuna herriaren baitan dagoelako. Halere, Juan Carlos I. erregeak, Indar Armatuen komandante nagusia den aldetik, benetan jokabide erabakigarria izan zuen demokraziaren defentsan 1981eko estatu-kolpean.