The Killers 2002an sortu zen, Las Vegasen, Nevadan. Urte hartan, Brandon Flowersek (abeslari eta teklatu-jolea) Blush Response izeneko banda utzi zuen, taldeko kideek Los Angelesera joan nahi baitzuten musika ibilbide berri bati ekiteko, eta Flowers Las Vegasen, bere jaioterrian, geratu nahi zen. Abeslariak Entretenimenduaren Munduko Hiriko hotel batean egiten zuen lan, mandatu-mutil gisa, eta egunen batean musikaz bizitzearekin amesten zuen.

Ez zirudien bere ametsa lortu behar zuenik, baina behin hiriko egunkari batean irakurritako iragarki batek hankaz gora jarri zuen dena. Norbait musikari bila zebilen, Oasis, The Cure, U2 eta The Beatles taldeen eragina izan behar zuen rock banda bat osatzeko. Flowers iragarlearekin harremanetan jarri zen: Dave Keuning gitarristarekin,, alegia. Elkar ezagutu bezain pronto, bi musikariek lanari ekin zioten eta, 2002. urterako, Mark Stoermer baxu-jolea eta Ronnie Vannucci Jr. bateria-jolea Keuningek eta Flowersek abian jarritako proiektura gehitu ziren. The Killers jaio zen dagoeneko.

Laukotea osatuta, The Killers Las Vegaseko klub txikitan jotzen hasi zen. Harlaber, taldearen maketa diskoetxeetara helarazteaz arduratzen ziren lau musikariak. Warner handiaren ordezkari batek The Killersen jarri zuen arreta, baina diskoetxean ez zuten Las Vegasekoen aldeko apustutik egin nahi izan. Halere, Warnerreko ordezkariak Erresuma Batuko diskoetxe independente bateko lagun bati bidali zion maketa. The Killersen soinuak diskoetxekoak txunditu zituen eta laukoteak bere lehen kontratu diskografikoa sinatu zuen. Hartara, emanaldiak eskaintzen hasi ziren Londresen, eta hiriburuko gauean ospea lortuta, AEBetara itzuli ziren eta Island Def Jam Music Group diskoetxe estatubatuarrekin sinatu zuten.

Hot Fuss, lehen urratsa emanda zegoen jada

Taldearen estudioko lehen lana 2004an iritsi zen: Hot Fuss. Sekulako harrera izan zuen; hain zuzen, disko salduenen zerrendako lehen postuan egon zen eta 50 astetik gora mantendu zen AEBetako disko salduenen zerrendako lehen 50 postuetan. Bost izendapen izan zituen Grammy sarietarako eta, orain arte, 7 milioi kopiatik gora saltzea lortu du.

Hot Fuss lanarekin izandako lurreratze ikusgarriaren ondoren, taldeak ez zuen denbora askorik itxaron bigarren lana kaleratzeko eta, 2006an, Sam's Town kaleratu zuten. Salgai jarritako lehen astean 750.000 kopia baino gehiago saldu ziren mundu zabalean. "When you were young", "Bones", "Read my mind" eta "For reasons unknown" izeneko kantuei esker, The Killersek mundu mailako arrakasta berri bat lortu zuen.

Hurrengo urtean, 2007an, Sawdust izeneko bilduma-diskoa kaleratu zuten. Bertan, abesti bitxiak, aurreko diskoetatik at utzi zituztenak eta bi kantu berri bildu zituzten: "Tranquilize" y "Shadowplay".

Ondoren, 2008an, taldeak estudioko hirugarren diskoa kaleratu zuen: Day & Age, orain arte kaleratu duten azkena. Lan horri esker, The Killers musika panoramako banda handienetakoen artean finkatu zen. Kritikak harrera paregabea egin zion lanari, eta The Killersen lanik onena eta 2008ko onenetako bat zela azpimarratu zuten, oro har. "Human", "Spaceman" eta "Losing Touch" izan ziren diskoko kantu aipagarrienak.

Day & Agerekin lortutako arrakasta berriari esker, The Killers 2009ko hainbat jaialditako kartelburua izan zen, Hard Rock Calling edota Lollapalooza jaialdietan, besteak beste. Urte horretan bertan, The Killersek lehen zuzeneko DVDa kaleratu zuen: Live From The Royal Albert may.

Atsedena eta abentura berriak

Urte hasieran, bandak atseden hartzea erabaki zuen eta banandu zen. Taldeko hainbat kidek abentura musikal berriei ekin zieten. Hala, Ronnie Vannuccik Mt. Desolation taldea osatu zuen, Keane eta Mumford bandetako zenbait kiderekin batera.

Bestalde, Brandon Flowersek irailean egin zuen bakarkako debuta, Flamingo lanarekin. Diskoak arrakasta eta ospe ikusgarria lortu izan du, bereziki, "Crossfire" singleari esker.

(Argazkiak: Lastfm)