Lurraren eremu magnetikoak hesi babesle gisa jokatzen du Eguzkiaren zenbait erradiazio arriskutsuren aurrean. Atmosferaren goiko geruzetan eta fluxu-linea magnetikoen menpe, elektrizitatez kargatutako partikula-uholdeek osatzen dituzte Van Hallen izeneko gerrikoak, bizitzarako eguzki-emisio kaltegarrienetako batzuk gelditzen dituztenak. Eremu magnetikoaren beste aplikazio praktiko bat iparrorratza da, Errenazimentuaz gero nabigazio-teknikak goitik behera eraldatu zituen orientazio-tresna.