Energia berriztagarriak petrolio kontsumorako alternatiba bat dira. Lehengai horren eskasia ikusita eta hori erauzi, eraldatu eta kontsumitzeak sortzen duen ingurumen-inpaktu handia dela eta, gero eta ikerketa gehiago egiten ari dira esparru honetan. Energia berriztagarriak deitzen dira etengabe ekoizten direlako eta giza kontsumoko eskala batean agortezinak direlako. Gaur egun, bost energia-iturri berriztagarri nagusi daude: eguzki-energia, haize-energia, energia hidraulikoa, biomasaren errekuntzaren bidez sortutakoa eta energia geotermikoa.