Erradioaktibitatearen azterketa harriak datatzeko tresna nagusia dugu. Harri batean ageri diren isotopo jakin batzuek zehaztasun handi samarrez esan diezagukete zein den bere adina. Prozedura hori arkeologian ere erabiltzen da. Beste alde batetik, magnetoestratigrafia nahikoa diziplina modernoa da, eta harrien polaritate magnetikoaren aldaketak aztertzen ditu beren adina zehaztasunez jakiteko. Horretarako, Lurraren eremu magnetikoak denbora-epe luzeetan bere polaritatea aldatzea hartzen du oinarritzat (1. gaia ikusi).