Charles Louis de Montesquieu (1689-1755). Idazlea, legelaria eta frantziar filosofoa izan zen. Zuzenbidea ikasi zuen Bordelen eta 1726an Parisen finkatu zuen bere egoitza. Bidaia ugari egin zituen erakunde politikoak aztertuz. Bere obra garrantzitsuenak Persiar gutunak (1721) eta, batez ere, Legeen espiritua (1748) dira; lege-sistemen azterketa erkatu bat da, eta parlamentarismo modernoaren oinarriak ezartzen dira. Lan honek Estatu Batuetako Konstituzioa eta Gizakiaren Eskubideen Deklarazioa inspiratu zituen.