A. Reynolds Morse (1914-2000) enpresari estatubatuarra eta bere emaztea, 1940ko hamarkadaren hasieran Dalíren lanen erakusketa ibiltari bat ikusi ondoren, haren lanak erosten hasi ziren eta 1970eko hamarkadarako Dalíren lanen munduko bildumarik handiena zuten.

Senar-emazte hauek Daliren eta Galaren adiskide minak izan ziren eta sarri egiten zituzten Portlligat-en egonaldiak eta bi bikoteek elkarrekin bidaiak egiten zituzten.

1971 arte euren Cleveland-eko etxean zeukaten erakusgai bilduma. Gero Ohion haien enpresak zuen bulego-eraikinaren ondoko etxe batean museo bat egin zuten, baina 1970ko hamarkadan leku handiagoa behar zuela pentsatuta prest azaldu ziren museo bati bilduma emateko, osorik mantentzekotan eta zaintzekotan.

Floridako St Petersburg herriko talde batek gogo onez hartu zuen asmoa eta laguntza publikoak lortuz etxe bat jarri zuen museotarako. 1982an ireki zituen ateak museo honek.