Itzuli orri osora

Andre Maria Jasokundekoaren eliza

FITXA

Izena: Andre Maria Jasokundekoaren eliza

Herria: Gabiria

Helbidea: Elizako plaza

Auzotegi: Herrigunea

Eskualde: Goierri

Herrialde: Gipuzkoa

Tipologia Orokorra: Eliza

Tipologia Zehatza: Arkitektura Erlijiosoa

Mendea: XV

hiribildua.Época: Erdi Aroa

Beste Mendeak: XVI, XVII, XVIII

Estiloa: Gotikoa

Beste Estiloak: Errenazentista, Barrokoa

Balioa: Nahiko ona.

Kontsebazioa: Ona zenbait gunetan. Eskasa zenbait gune jakinetan.

Jabetasun: Ondare Erlijiosoa

Jatorrizko Erabilketa: Erlijiosoa.

Akatsak: Akats txikiak hormetako zenbait gune jakinetan.

Gaur Egungo Erabilketa: Erlijiosoa.

Beste Izenak: Alkaingo Santa Maria

Deskripzioa eta oharrak:

Eliza hau, Alkaingo San Maria ere esaten zaiona, Gabiria udalerri gipuzkoarrean dago, Goierrin.

Eliza gotikoa da, areto erako oinplano angeluzuzena du, hiru habearte eta abside poligono formakoa. Erdiko habeartea ertz gangaz estalita dago lehen hiru ataletan, eta gurutze ganga konplexuz burualdearen aurreko atalean. Alboetakoak ilargixka eta gurutze gangek estaltzen dituzte. Ebanjelio aldean dagoen bao zirkulu formako batetik eta epistola aldeko beste angeluzuzen batetik sartzen da argia eliz barrura.

Eraikinaren oinean dagoen portada zeharkatu behar da barrura sartzeko. Portada hau protogotikoa da, eta lau arkiboltako ojiba atea du. Portada hori babestuz zurezko armazoi batez estalitako eliz atari bat dago. Portada parean hiru arku karpanel daude, eta bi alboetan zirkuluerdiko arkuak. Harlanduz eta harlanduxkaz egina da. Kanpandorrea XVIII. mendean altxatu zuten.

Barrualdeko elementu apaingarrien artean aipagarri da erretaula nagusia, XVIII. mendeko bigarren zatian Migel eta Tomas Jauregik egina; alboetan dauden beste erretaulez gainera, hainbat irudi ere ikusgarri dira.